मराठीतही आता ‘साहसी विज्ञान कथे’वर आधारित चित्रपट

‘बर्म्युडा ट्रँगल’ हा समुद्रातील विशिष्ट टापू जगभरातील साहसवीरांना भुरळ घालत आला आहे. या विशिष्ट पट्टय़ात समुद्रमार्गे किंवा आकाशमार्गे प्रवेश करणारी कोणतीही वस्तू आपोआप खेचली जाते आणि नाहीशी होते, अशी वदंता आहे. या रहस्यावर बेतलेले काही चित्रपट हॉलीवूडमध्ये प्रदर्शितही झाले आहेत. आता अशाच एका कल्पनेवर आधारित मराठी चित्रपट लवकरच पडद्यावर येत आहे. ‘वेलकम टू जंगल’ हे या चित्रपटाचे नाव असून तो मराठीतील पहिला साहस विज्ञान कथेवर आधारित चित्रपट असल्याचे निर्मात्याचे म्हणणे आहे.
जंगलातल्या एका विशिष्ट भागात गेलेली व्यक्ती परत येत नाही, असे अनुभव अनेकदा येतात आणि मग त्याचा शोध घेण्यासाठी काही लोक त्या जंगलात जातात, असे या चित्रपटाचे ढोबळ कथानक आहे. या चित्रपटात ग्राफिक्स, व्ही एफ कस, क्रोमा तंत्रज्ञानाचा सढळ वापर करण्यात आला आहे. चित्रपटाचे दिग्दर्शन संजय जाधव यांनी केले असून ‘संभा आजचा छावा’मध्ये मुख्य भूमिका केलेला देवेंद्र आणि दीपाली सय्यद मुख्य भूमिकेत आहेत.
या चित्रपटाचे चित्रीकरण आंबा, विशाळगड, कोल्हापूर येथील जयप्रभा स्टुडिओ, रंकाळा परिसर या ठिकाणी झाले आहे. तसेच सलग ३० तास चित्रीकरण करण्याचा आगळावेगळा विक्रमही या चित्रपटाच्या निमित्ताने झाला आहे. गुरुमाऊली क्रिएशन्स निर्मित हा चित्रपट पुढील वर्षी एप्रिलमध्ये प्रदर्शित होणार आहे.

आणखी वाचा

आगाशे यांच्या अपघाती निधनानंतर सीसीटीव्ही कॅमेऱ्याचा प्रश्न ऐरणीवर

‘मुलुंडचे लवकरच नवीन धारावी नामांतर’, संतप्त मुलुंडवासियांकडून मुलुंडमध्ये…

समुद्रात उभारलेला पंबनचा जुना पूल वर्षांनुवर्ष टिकला; नवीन पुलाचं आयुष्य ५८ वर्षच का?

Ghost Island: कॅस्पियन समुद्रातील ‘भुताटकीचं बेट’ नेमकं कुठे नाहीस होतं?; नेमकं काय घडतंय?

सागरी किनारा मार्ग पूर्णक्षमतेने सुरू होणार, सागरी किनारा आणि वरळी वांद्रे सागरी सेतू जोडणाऱ्या पुलाचे मुख्यमंत्र्यांच्या हस्ते प्रजासत्ताक दिनी लोकार्पण

समुद्रकिनारा पर्यटन धोक्यात, वसईत वाळू उपसा सुरूच; प्रशासन दुर्लक्ष करीत असल्याचा आरोप

‘तोपची’मधून तोफा, गनर्सचे कौशल्य अधोरेखीत-प्रदर्शनात प्रगत शस्त्रसामग्री सादर

मुंबई : सागरी किनारा मार्गावरील वाहनसंख्येत घट?