इमारतीच्या गच्चीवर ऊन, पावसापासून संरक्षण म्हणून निवाऱ्यासाठी उभारलेल्या शेडवरून पडून डोंबिवलीत नेहरू रस्त्यावरील एका रहिवाशाचा रविवारी मृत्यू झाला. परेश लीलाधर व्होरा (३८) असे मृत रहिवाशाचे नाव आहे. कच्च्या आंब्याचे काप ताटात ठेवून ते उन्हात वाळवण्यासाठी परेश इमारतीच्या गच्चीवरील निवारा शेडवर चढले होते. पाय घसरल्याने ते खाली पडले. गंभीर जखमी झाल्याने त्यांचा मृत्यू झाला. रामनगर पोलीस ठाण्यात या प्रकरणाची नोंद करण्यात आली आहे.