विजय पांढरे यांच्या कागदपत्रांची चौकशी करण्याची मागणी

लोकसभा निवडणुकीत नाशिक मतदारसंघातून पराभूत झालेले आम आदमी पक्षाचे उमेदवार विजय पांढरे हे आपल्या गावी निघून गेले असले तरी त्यांच्यावर विविध स्वरूपाचे आरोप करण्यात येत असून त्यांनी उमेदवारी अर्जासोबत दाखल केलेल्या कागदपत्रांची चौकशी करण्याची मागणी मुकुंद बेणी यांनी केली आहे. जिल्हाधिकाऱ्यांसह निवडणूक आयोगाकडे त्यांनी यासंदर्भात निवेदनाव्दारे तक्रार दाखल केली आहे.
महाराष्ट्र शासनाच्या सेवेत असताना विजय बळवंत पांढरे असे नाव धारण करणाऱ्या पांढरे यांनी निवडणूक अर्जात विजय बळीराम पांढरे असे नाव लावले. शासकीय सेवेतून निवृत्त होईपर्यंत व त्यानंतरही या दोन्ही नावाचा वापर करत त्यांनी आपले सर्व व्यवहार सुरळीत पार पाडले. अशा पद्धतीने एक व्यक्ती दोन नावाने कसा व्यवहार करू शकते, हे कायद्याच्या कोणत्याच कक्षेत बसत नाही. असे असताना पांढरे यांनी आजवर सर्रासपणे आर्थिक व्यवहारातही दोन नावांचा वापर केल्याचा आरोप बेणी यांनी निवेदनात केला आहे.
पक्षाचे स्वतंत्र खाते असताना पांढरे यांनी निवडणूक आयोगाला सादर केलेल्या पासबूक व्यतिरिक्त आरटीओ कॉर्नरवरील स्टेट बँक शाखा आणि महात्मानगरची इंडियन ओव्हरसिस बँक तसेच जळगाव, बुलढाण्यातील त्यांची बँक खाती व त्यावर तसेच त्यांच्या जवळच्या व्यक्तींच्या पासबुकावर निवडणूक काळात झालेले व्यवहार याची सखोल चौकशी करण्याची मागणीही बेणी यांनी केली आहे.

आणखी वाचा

पुणे : एटीएममधून रोकड चोरणाऱ्या चोरट्याला पकडले; सुरक्षारक्षक, वाहतूक पोलिसांची तत्परता

Sushma Andhare : “माझी प्रिय भावजय” म्हणत सुषमा…

बाजाराचा तंत्र-कल : शेअर बाजाराला बाळसं की सूज?

Bluetooth 6.0 लेटेस्ट व्हर्जन, ऑडिओ, व्हिडीओ ते डॉक्युमेंट्स शेअर करण्याची असणार सोय; कोणत्या फोन, डिव्हाईसमध्ये चालेल?

पुण्यातील कोयता गँगचा बंदोबस्त करा आणि मग आमच्या पोलीस स्टेशनवर बोला : जयंत पाटील

रामदास आठवले भाजपला सांभाळणार की रिपब्लिकन कार्यकर्त्यांना?

‘प्रकल्प रोखणारे सरकार’ला ठाकरे गटाचे फलकबाजीतून उत्तर

चंद्रचूड यांच्या कार्यकाळात सत्तासंघर्षाचा निकाल लांबणीवर पडणे अतर्क्य ; सिंघवी