येत्या लोकसभा व विधानसभा निवडणुकांमध्ये युवकांचा सहभाग वाढावा, यासाठी विद्यापीठनिहाय मतदान जागृती मोहीम राबविण्यात येणार आहे. डॉ. बाबासाहेब आंबेडकर विद्यापीठ कार्यक्षेत्राचे कॅम्पस अॅम्बॅसेडर म्हणून कुलसचिव डॉ. धनराज माने यांची निवड करण्यात आली. आगामी निवडणुकीच्या पाश्र्वभूमीवर मतदारांमध्ये जागृती करणे, या उद्देशाने ‘स्वीप २’ या कार्यक्रमाची अंमलबजावणी करण्याचे निर्देश दिले आहेत. १८ व १९ वयोगटांतील महाविद्यालयीन युवकांची नावनोंदणी मोठय़ा प्रमाणावर वाढविण्यासाठी ही मोहीम राबविण्यात येणार आहे.
