छताचा थर कोसळून दोन महिला जखमी

न्यायालयातील बाररूममध्ये या महिला बसल्या होत्या. दुपारी सव्वाबाराच्या सुमारास अचानक छतावरचा सिमेंट काँक्रीटचा थर कोसळला. या वेळी तेथे या दोन महिला व अन्य काही लोक बसले होते. छताचा थर अंगावर कोसळून या दोन महिला जखमी झाल्या.

रंजना म्हस्के (वय ३०) व रूपाली मुळे (वय ३३, एन ७, औरंगाबाद) अशी जखमी महिलांची नावे आहेत. त्यांना तातडीने खासगी दवाखान्यात हलविण्यात आले. दुपारी अचानक घडलेल्या या प्रकारामुळे उपस्थितांची पळापळ झाली.