पर्यावरण स्नेही ‘प्रेरणा’ पॅटर्न जिल्ह्य़ात राबविणार

निसर्गाचा समतोल राखण्यासाठी पर्यावरण स्नेही गणेशाची अनोखी कल्पना राबविण्याचा येथील प्रेरणा प्रतिष्ठानचा उपक्रम केवळ स्तुत्यच नव्हे तर तेवढाच प्रेरणादायी असून हा पॅटर्न आम्ही संपूर्ण जिल्ह्य़ात राबविणार असल्याचे खासदार संजीव नाईक तसेच खासदार आनंद परांजपे यांनी येथे बोलताना सांगितले.
प्रेरणा प्रतिष्ठानतर्फे मावळी मंडळाच्या सभागृहात आयोजित पर्यावरण स्नेही गणेश प्रदर्शनाचे आयोजन करण्यात आले होते. यामध्ये पर्यावरणाचा समतोल राखण्यासाठी शाडू माती आणि कागदाचा लगदा यांपासून तयार करण्यात आलेल्या विविध आकारातील गणेशमूर्ती ठेवण्यात आल्या होत्या. पर्यावरणाचा होणारा ऱ्हास रोखण्यासाठी कोणत्या उपाययोजना कराव्यात याची सचित्र माहितीही देण्यात आली होती. तीन दिवस झालेल्या या उपक्रमाला ठाणेकर नागरिकांनी भेट देऊन पर्यावरणाच्या रक्षणासाठी आम्हीही कटिबद्ध असल्याची ग्वाही दिली.
आजपर्यंत ठाणे परिसरामध्ये केवळ प्लास्टर ऑफ पॅरिस या घातक मूर्तीचीच मोठय़ा प्रमाणात प्रतिष्ठापणा करण्यात येते. पण शाडू माती व कागदाचा लगदा तसेच नैसर्गिक रंगात असलेल्या मूर्ती कोठेही मिळत नाहीत. यासाठी प्रेरणा प्रतिष्ठानने पुढाकार घेऊन ही अनोखी चळवळ हाती घेतली आहे, असे नमूद करून संजीव नाईक म्हणाले, यापुढे ही चळवळ जिल्ह्य़ातील विविध पालिका तसेच महापालिका क्षेत्रामध्ये पोलीस तसेच प्रशासन यांच्या संयुक्त विद्यमाने राबविण्यात येईल. या संदर्भात संबधितांची लवकरच एक बैठक घेण्यात येईल असेही त्यांनी  सांगितले.
प्रारंभी प्रेरणाचे अध्यक्ष किरण कुलकर्णी व सचिव मनोज दिघे यांनी नाईक तसेच परांजपे यांचे स्वागत केले.

आणखी वाचा

पुरुषाचं घर, घरचा पुरुष

Nana Patole : निकालाआधी राजकीय घडामोडींना वेग; यातच…

भावांनी घरातच केली केशरची शेती, प्रगत तंत्रज्ञान वापरून मातीशिवाय हवेत वाढतात झाडे, वाचा त्यांचा प्रेरणादायी प्रवास

“स्वतःचं घरदार आणि संसार सांभाळून…”, प्रवीण तरडेंची पत्नी स्नेहलसाठी खास पोस्ट! मोजक्या शब्दांत व्यक्त केल्या भावना

पिंपरी: अजित पवारांच्या पक्षाच्या देहू शहराध्यक्षाच्या मोटारीतून रोकड जप्त

लोकशिवार: आंतरपिकातील यश !

इतिश्री: समंजस, प्रगल्भ सोबत