कल्याण-डोंबिवली पालिकेच्या महापौर वैजयंती गुजर ११ मे रोजी पायउतार झाल्या. अडीच वर्षांच्या पालिकेच्या कार्यकाळात महापौर गुजर यांना प्रशासनाची तळी उचलता उचलता ठोस असे काही करता आले नाही, तरी काही चांगले निर्णय त्यांनी घेतले. गुजर या १३ लाख ९४ हजार ८८१ रुपयांच्या मालक आहेत. नोकरी, स्वकष्टातून ही मिळकत मिळविली असल्याचे त्यांनी निवडणूक आयोगाला पालिका निवडणुकीच्या वेळी सादर केलेल्या शपथपत्रातून उघड होत आहे.
ही सर्व मिळकत महापौर गुजर यांच्या नावाने आहे. बँका, पतपेढी, एलआयसी व शेअर्समधील एकूण गुंतवणूक ४ लाख ८६ हजार रुपये आहे. सुमारे ९ लाख रुपये किमतीचे घर त्यांच्याच नावावर आहे, असे शपथपत्रातून उघड होत आहे. राजकीय स्वरूपाचे सात गुन्हे गुजर यांच्यावर आहेत. आयकर भरण्यास आपण पात्र नसल्याचे त्यांनी शपथपत्रात म्हटले आहे.
महापौर पदानंतर आमदारकीची स्वप्ने पाहणाऱ्या महापौरांची स्वप्ने पक्ष कसा पूर्ण करतो याकडे सगळ्यांचे लक्ष लागले आहे.
गुजर यांच्या कार्यकाळात महासभेने आयत्या वेळचे १४ ठराव मंजूर केले. उपसूचनांद्वारे २९ ठराव मंजूर केले. इतिवृत्ताची वाट न पाहता ४६ ठराव मंजूर करण्यात आले.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
