पाच लाखांमध्ये आमदारकीची उमेदवारी विकण्यास मनसेलाही काही भीक लागली नाही. उलट उपसभापती नेमताना त्याच्याकडून करार कन्नडचे आमदार हर्षवर्धन जाधव यांनी केला होता. त्यातले काही रुपये उपसभापतींनी आमदारांना दिले देखील, असा आरोप मनसेचे नेते बाळा नांदगावकर यांनी गुरुवारी केला.
शहरातील जयस्वाल सभागृहात आयोजित मनसे कार्यकर्त्यांच्या निर्धार मेळाव्यात नांदगावकर बोलत होते. या वेळी त्यांनी जिल्ह्य़ातील पदाधिकाऱ्यांची चांगलीच कानउघाडणी केली. नांदगावकर म्हणाले, की औरंगाबाद जिल्ह्य़ातील मनसेच्या कार्यकर्त्यांत ताकद आहे. पण ती गटा-गटांत व मतभेदात विभागली गेली आहे. जेव्हा जेव्हा औरंगाबादचा दौरा करतो, तेव्हा पदाधिकाऱ्यांचे कान टोचतो. आता कान उपटावे की काय, अशी स्थिती निर्माण झाली आहे. कन्नड मतदारसंघाचे आमदार पक्ष सोडून गेले, पण त्याचा काहीएक परिणाम होणार नाही. तसेच त्यांनी केलेल्या आरोपात तथ्य नसल्याचे नांदगावकर यांनी कार्यकर्त्यांशी बोलताना स्पष्ट केले.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

काही दिवसांपूर्वी मनसेने उमेदवारीसाठी ‘अर्थपूर्ण’ व्यवहार केल्याचा आरोप आमदार जाधव यांनी केला. त्यानंतर आमदारकीसह मनसेला सोडचिठ्ठी दिली. पुढे आमदारकीचा राजीनामा परत घेतला. मनसेला मात्र रामराम केला. या पाश्र्वभूमीवर कार्यकर्त्यांच्या मेळाव्यात नांदगावकर म्हणाले, की मी, रायभान जाधव तसेच त्यांच्या पत्नी यांच्याबरोबर एकत्र काम केले. शिकलेला तरुण कार्यकर्ता पक्षात येतो आहे म्हणून हर्षवर्धन यांना प्रवेश दिला. वडिलांच्या पुण्याईने ते निवडून आले. मध्यंतरी मारहाण झाली, तेव्हा त्यांच्या समर्थनासाठी मोठी सभा घेतली. त्याचा खर्च किती होता? पाच लाखांत उमेदवारी विकायला मनसेला भीक लागली आहे काय, असा सवाल करत नांदगावकर यांनी जाधव यांना राजकारण कळत नसल्याचे सांगितले. ते पक्षात नसल्याने मनसेला काही फरक पडत नाही, असेही आवर्जून सांगितले. त्यांची आमदारकी रद्द व्हावी, या अनुषंगाने मनसे म्हणून काही प्रयत्न केले जाणार आहेत का, असे मेळाव्यानंतर पत्रकारांनी विचारले असता, त्यांना त्यांची आमदारकी सुखाने उपभोगू द्या, असेही नांदगावकर म्हणाले.
जिल्ह्य़ातील पक्षांतर्गत वादावरही नांदगावकरांनी जाहीर टीका केली. कार्यकर्त्यांचा मान राखा, सन्मान ठेवा, उत्तम कार्यकर्ता बना व कार्यकर्त्यांची मने जपा, असे सांगत पदाधिकाऱ्यांनी पक्षनिष्ठा, प्रामाणिकपणाशी तडजोड करू नये, असे सांगितले.
मार्चमध्ये राज ठाकरे औरंगाबादेत
राज ठाकरे यांचा दौरा मार्चमध्ये होणार आहे. या दौऱ्यात अंतर्गत वाद पूर्णत: मिटविले जातील, असेही नांदगावकर यांनी सांगितले. दौऱ्यात दुष्काळी भागाची पाहणी करतील का, असे विचारले असता दुष्काळी स्थितीबाबतचा अहवाल राज ठाकरे यांना दिला जाईल. मात्र, त्यांचा दुष्काळी दौरा होईल का, हे सध्या सांगता येत नाही, असे त्यांनी स्पष्ट केले.

काही दिवसांपूर्वी मनसेने उमेदवारीसाठी ‘अर्थपूर्ण’ व्यवहार केल्याचा आरोप आमदार जाधव यांनी केला. त्यानंतर आमदारकीसह मनसेला सोडचिठ्ठी दिली. पुढे आमदारकीचा राजीनामा परत घेतला. मनसेला मात्र रामराम केला. या पाश्र्वभूमीवर कार्यकर्त्यांच्या मेळाव्यात नांदगावकर म्हणाले, की मी, रायभान जाधव तसेच त्यांच्या पत्नी यांच्याबरोबर एकत्र काम केले. शिकलेला तरुण कार्यकर्ता पक्षात येतो आहे म्हणून हर्षवर्धन यांना प्रवेश दिला. वडिलांच्या पुण्याईने ते निवडून आले. मध्यंतरी मारहाण झाली, तेव्हा त्यांच्या समर्थनासाठी मोठी सभा घेतली. त्याचा खर्च किती होता? पाच लाखांत उमेदवारी विकायला मनसेला भीक लागली आहे काय, असा सवाल करत नांदगावकर यांनी जाधव यांना राजकारण कळत नसल्याचे सांगितले. ते पक्षात नसल्याने मनसेला काही फरक पडत नाही, असेही आवर्जून सांगितले. त्यांची आमदारकी रद्द व्हावी, या अनुषंगाने मनसे म्हणून काही प्रयत्न केले जाणार आहेत का, असे मेळाव्यानंतर पत्रकारांनी विचारले असता, त्यांना त्यांची आमदारकी सुखाने उपभोगू द्या, असेही नांदगावकर म्हणाले.
जिल्ह्य़ातील पक्षांतर्गत वादावरही नांदगावकरांनी जाहीर टीका केली. कार्यकर्त्यांचा मान राखा, सन्मान ठेवा, उत्तम कार्यकर्ता बना व कार्यकर्त्यांची मने जपा, असे सांगत पदाधिकाऱ्यांनी पक्षनिष्ठा, प्रामाणिकपणाशी तडजोड करू नये, असे सांगितले.
मार्चमध्ये राज ठाकरे औरंगाबादेत
राज ठाकरे यांचा दौरा मार्चमध्ये होणार आहे. या दौऱ्यात अंतर्गत वाद पूर्णत: मिटविले जातील, असेही नांदगावकर यांनी सांगितले. दौऱ्यात दुष्काळी भागाची पाहणी करतील का, असे विचारले असता दुष्काळी स्थितीबाबतचा अहवाल राज ठाकरे यांना दिला जाईल. मात्र, त्यांचा दुष्काळी दौरा होईल का, हे सध्या सांगता येत नाही, असे त्यांनी स्पष्ट केले.