प्रथम महासमाराधना महोत्सव; लातुरात आजपासून कार्यक्रम

दत्त संप्रदायातील बालगोिवदानंद सरस्वती (बालस्वामी) महाराज यांच्या प्रथम महासमाराधना महोत्सवानिमित्त औसा रस्त्यावरील दत्त मंदिरात उद्यापासून (रविवार) प्रवचन, व्याख्यान, गायन आदी कार्यक्रमांचे आयोजन करण्यात आले आहे.
दि. २६ पर्यंत ७ दिवस दररोज काकड आरती, रुद्राभिषेक, पूजा, वेदपाठ, श्रीगुरुचरित्र पारायण, महिला मंडळांचे भजन, प्रवचन, हरिपाठ, प्रदोषारती, प्रार्थना असे पहाटे पाचपासून रात्री उशिरापर्यंत कार्यक्रम होणार आहेत. उद्या दुपारी १ ते ३ या वेळेत महाप्रसादाचे आयोजन केले आहे. रात्री ८ वाजता विवेकानंद रुग्णालयाचे डॉ. अशोकराव कुकडे यांचे प्रवचन होईल. रात्री ९ वाजता पंडित प्रभाकर कारेकर यांचे गायन होणार आहे. सोमवारी रात्री ८ वाजता पंडित नयन घोष (मुंबइ) यांचे सोलो तबलावादन, पंडित संदीप मिश्रा (बनारस) यांची सारंगी वादनाची जुगलबंदी होणार आहे. मंगळवारी सायंकाळी ५ वाजता रामायणाचार्य हलगरकर यांचे प्रवचन, रात्री ८ वाजता उस्ताद उस्मानखान (पुणे) यांचे सतारवादन व डॉ. विकास कशाळकर यांचे गायन, बुधवारी नागपूरचे भाऊ काणे यांचे प्रवचन, तर रात्री शौनक अभिषेकी यांच्या गाण्याची मफल, गुरुवारी आळंदचे डॉ. भीमाशंकर देशपांडे यांचे प्रवचन व रात्री मंगेश बोरगावकर यांची संगीत मफल रंगणार आहे. शुक्रवारी डॉ. अनिकेत इनामदार (उमरगा) यांचे प्रवचन व रात्री हन्नुमियाँ शेख (भालकी) यांचे गायन, शनिवारी श्रीपाद माळेगावकर यांचे प्रवचन व रात्री हरिष खंडेराव कुलकर्णी यांच्या गायनाने सांगता होणार आहे. कार्यक्रमाचा लाभ घेण्याचे आवाहन विश्वस्त मंडळाच्या वतीने करण्यात आले आहे.