रेल्वेत चोऱ्या करणाऱ्या चौघांना सक्तमुजरी

                                                                                                                       रेल्वेमध्ये एका तरुणीचे दागिने चोरल्याप्रकरणी अटक केलेल्या चार बिहारी व्यक्तींना न्यायालयाने तीन वर्षे सक्तमजुरीची शिक्षा सुनावली.
मोहमद इस्तेकार मोहमद बद्रुउद्दीन , गौतमकुमार नरेंद्र प्रसाद , विनोदकुमार ऊर्फ मधुकर मटुकी निशाद आणि अरविंदकुमार ऊर्फ अमन गरीबनाथ मंडल अशी शिक्षा झालेल्यांची नावे आहेत. या प्रकरणी नर्गीस अब्दुल वहाब या तरुणीने तक्रार दिली होती. नर्गीस ही सोलापूर-विजापूर रेल्वेने प्रवास करत असताना बॅगेतून सात लाख ८९ हजार रुपयांचे दागिने चोरून नेले होते. रेल्वेच्या स्थानिक गुन्हे शाखेचे पोलीस निरीक्षक सूर्यकांत नौकुडकर व त्यांच्या पथकाने या आरोपींना पकडून त्यांच्याकडून पुणे, अहमदनगर, कुर्डुवाडी येथील चोरीचे गुन्हे उघडकीस आणले होते.