उच्चशिक्षिताचा दृष्टिदोष

अशी झाली फसवणूक
दुसऱ्या दिवशी अशोक शिंदे नाव सांगणारा एक इसम शर्मा यांच्या घरी गेला. राम शिंदेचा भाऊ अशी त्याने ओळख करून दिली. त्याने सोबत एक औषधाची बाटली आणली होती. या बाटलीत आणखी काही आयुर्वेदिक औषधं मिसळावी लागतील व त्यासाठी पाच-सहा हजार रुपये खर्च येईल असे सांगितले. त्याच्या बोलण्याला फसलेले शर्मा सात हजार रुपये घेऊन त्याच्यासोबत निघाले. अशोक त्यांना ठाण्यातील जांभळी नाका येथे घेऊन गेला. तेथे असलेल्या तिघांनी शर्मा यांच्यासमोर त्या बाटलीत काही औषधं आणि तेल मिसळले. त्यांनतर त्यांनी शर्माना बिलाचा आकडा सांगितला तोही तब्बल सहा लाख ७७ हजार ६०० रुपये! शर्मा यांनी त्यांच्याकडील सात हजार रुपये दिले. पण त्यांनी बाकीची रक्कम द्यावीच लागेल असा दबाव टाकला. मग शर्मा त्यांच्या बोलण्यात फसले. त्यांनी दोन एटीएममधून आरोपींना ७८ हजार रुपये रोख दिले. तसेच क्रेडीट कार्डद्वारे चिंतामणी ज्वेलर्स मध्ये जाऊन २ लाख २२ हजार रुपयांचे सोने खरेदी करून दिले. तरी रक्कम पूर्ण होत नसल्याने २ लाख ७० हजार रुपये रकमेचे धनादेश दिले. त्यानंतर औषधाची बाटली घेऊन घरी आले. घरी आल्यावर मात्र आपली फसवणूक झाली आणि आपण जवळपास सात लाख रुपयांना गंडवले गेलो, हे त्यांच्या लक्षात आले.

आरसीएफ पोलिसांची तत्परता
 दुसऱ्या दिवशी शर्मा यांनी आरसीएफ पोलीस ठाण्यात धाव घेतली. वरिष्ठ पोलीस निरीक्षक दिलीप राऊत, पोलीस निरीक्षक शांतीलाल जाधव, सहाय्यक पोलीस निरीक्षक शेंडगे आदींच्या पथकाने तपास करून व्यंकटेश नायडू (३६), श्रीराम गुडील (३१) आणि अनिल शिर्के (२१) या तीन आरोपींना अटक केली. त्यांनी याप्रकारे अन्य कुणाला फसवले आहे का त्याचा तपास सुरू आहे.