गॅस एजन्सीत ४० लाखांची अफरातफर, लेखापालाविरुद्ध गुन्हा

बेरोजगाराची ८ लाखाने फसवणूक
फसवणुकीची दुसरी घटना गिट्टीखदानमध्ये घडली. रेल्वेत नोकरी लावून देण्याचे आमिष दाखवून एका बेरोजगाराची फसवणूक केल्याप्रकरणी पोलिसांनी अटक केली. पिजुष कृपाल घोष (रा. पंजाबी लाईन रेल्वे वसाहत) हे आरोपीचे नाव आहे. जयहिंद नगरात राहणाऱ्या एका तरुणीला रेल्वेत लिपिक पदावर नोकरी लावून देण्याचे आमिष दाखवून पिजुषने ओमप्रकाश नावाच्या साथीदारासह ८ लाख २ हजार ५०० रुपये रोख व धनादेशाद्वारे घेतले. त्याने नोकरी लावून न दिल्याने त्या तरुणीने पोलीस ठाण्यात तक्रार केली. याप्रकरणी पोलिसांनी गुन्हा दाखल केला आणि पिजुषला अटक केली.  

आणखी वाचा

गुजरातमधील सोनसाखळी चोर वसईत सक्रीय, गुन्हे प्रकटीकरण शाखेकडून अटक

Madhuri Dixit : डर चित्रपट माधुरी दीक्षितने का…

वायु गळती प्रकरणी गुन्हा दाखल; टिनको कंपनीच्या दोन कर्मचाऱ्यांवर गुन्हा

व्यावसायिक गॅसचा काळाबाजार उघड; पोलिसांकडून सिलिंडरच्या ७२ टाक्या जप्त, एकाला अटक

Pune Crime News: मोक्काच्या गुन्ह्यातील फरारीला कर्नाटकातून अटक

माजी पोलीस महासंचालक संजय पांडे यांचा जबाब नोंदविण्याचे काम ठाणे पोलिसांकडून सुरू

मुंबई : १९ कोटींच्या सोन्या, चांदीसह आरोपीला अटक

पीएनबी गैरव्यवहार प्रकरणः मेहूल चोक्सीविरोधात ईडीची मोठी कारवाई, १२५ कोटींच्या मालमत्ता फसवणूक झालेल्या बँकांना सुपूर्त करण्याच्या प्रक्रियेला सुरूवात

कुत्रा आडवा आल्याने मोटारसायकल चालकाचा मृत्यू
कुत्रा आडवा आल्याने एका मोटारसायकल चालकाचा मृत्यू झाला. गिट्टीखदान पेट्रोल पंपासमोर बुधवारी रात्री साडेआठ वाजताच्या सुमारास हा अपघात घडला. आनंद श्याम चोखांदे (रा. बोरगाव) हा त्याच्या मोटारसायकलने गिट्टीखदानकडे येत होता. अचानक मोटारसायकलपुढे कुत्रा आडवा आल्याने आनंदचे नियंत्रण सुटले नि मोटारसायकल रस्ता दुभाजकावर जाऊन आदळली. तो खाली पडून गंभीर जखमी झाला. त्याला मेडिकलमध्ये नेले असता तेथील डॉक्टरांनी तपासून त्याला मृत घोषित केले. याप्रकरणी गिट्टीखदान पोलिसांनी आकस्मिक मृत्यूची नोंद केली.

सदोष मनुष्यवध
एका सायकलस्वाराचा मारहाणीत मृत्यू झाल्याप्रकरणी अनोळखी दोन मोटारसायकल चालकांविरुद्ध हुडकेश्वर पोलिसांनी सदोष मनुष्यवधाचा गुन्हा दाखल केला आहे. प्रेमदास बाळाजी धुर्वे (रा. राऊत नगर) हा सायकलने ८ मे रोजी सायंकाळी सहा वाजताच्या सुमारास उमरेड मार्गावरील टेलिफोन नगर चौकातून जात होता. तेथून जात असलेल्या अनोळखी दोन मोटारसायकल चालकांचा धक्का लागल्याने प्रेमदास खाली पडला. त्याने मोटारसायकल चालकांना शिवीगाळ केली. त्यातून भांडण झाले आणि त्या दोघांनी प्रेमदासला मारहाण केली. जखमी प्रेमदासचा मृत्यू झाला. याप्रकरणी पोलिसांनी प्रारंभी आकस्मिक मृत्यूची नोंद केली होती. तपासात घटनाक्रम उघड झाल्याने अनोळखी दोन मोटारसायकल चालकांविरुद्ध पोलिसांनी गुन्हा दाखल केला.

विनयभंग
शासकीय काम करीत असताना विनयभंग केल्याच्या एका महिला हवालदाराच्या तक्रारीवरून पोलीस प्रशिक्षण केंद्रातील स्टेनो आरोपी विलास डोमाजी कोहचाडे (रा. गोधनी) याच्या विरुद्ध प्रतापनगर पोलिसांनी विनयभंगाचा गुन्हा दाखल केला.

शासकीय काम करीत असताना विनयभंग केल्याच्या एका महिला हवालदाराच्या तक्रारीवरून पोलीस प्रशिक्षण केंद्रातील स्टेनो आरोपी विलास डोमाजी कोहचाडे
(रा. गोधनी) याच्या विरुद्ध प्रतापनगर पोलिसांनी विनयभंगाचा गुन्हा दाखल केला.