आठ दिवसाच्या उसंतीनंतर सोमवार, २४ जूनला रात्री ८ वाजतापासून २ तासापर्यंत संपूर्ण जिल्ह्य़ात मुसळधार पाऊस बरसला. यात गोरेगाव, गोंदिया, तिरोडा, आमगाव व सडक अर्जुनी तालुक्यात विजेच्या कडकडाटासह मुसळधार पावसाने हजेरी लावली. काल रात्रीपासून सुरू असलेल्या या पावसाने रिपरिप सुरू केली ती आज दिवसभर सुरूच होती. अपेक्षेपेक्षा जास्त पाऊस जिल्ह्य़ात पडला आहे. वरुणदेवाने दिलेल्या उसंतीमुळे बळीराजा पेरणी व नांगरणीच्या कामाला लागलेला होता. मात्र, रात्रीपासून बरसणाऱ्या पावसामुळे खोळंबलेली कामे शेतातील पाणी ओसरल्यानंतरच पुन्हा सुरू होणार असल्याचे चित्र आहे. गोंदिया, गोरेगाव, तिरोडा, आमगाव तालुक्यात अतिवृष्टी झाली आहे. गेल्या २४ तासात जिल्ह्यातील आठ तालुक्यात एकूण ४९०.०३ मि.मी. पाऊस झाला असून त्याची सरासरी ६१.२८ मि.मी. आहे. २५ जूनच्या सकाळी ८ वाजेपर्यंत तालुकानिहाय पडलेला पाऊस पुढीलप्रमाणे- गोंदिया- ६९.८ मि.मी., गोरेगाव- ११३ मि.मी., तिरोडा- ८२ मि.मी., अर्जुनी-मोर.- ३४ मि.मी., देवरी- ३२ मि.मी., आमगाव- ७२.२ मि.मी., सालेकसा- ४५ मि.मी., सडक-अर्जुनी- ४२.३ मि.मी., असा एकूण ४९०.३ मि.मी. पाऊस पडला.
गोंदिया जिल्ह्य़ात अतिवृष्टी
आठ दिवसाच्या उसंतीनंतर सोमवार, २४ जूनला रात्री ८ वाजतापासून २ तासापर्यंत संपूर्ण जिल्ह्य़ात मुसळधार पाऊस बरसला. यात गोरेगाव, गोंदिया, तिरोडा, आमगाव व सडक अर्जुनी तालुक्यात विजेच्या कडकडाटासह मुसळधार पावसाने हजेरी लावली.
या बातमीसह सर्व प्रीमियम कंटेंट वाचण्यासाठी साइन-इन करा
Already have a account? Sign in
First published on: 26-06-2013 at 08:28 IST
मराठीतील सर्व नागपूर वृत्तान्त बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Heavy rain in gondiya distrect
Show comments