कार्ला येथील एकवीरा देवीच्या मंदिरात महानवमीचा होम रविवार, १३ ऑक्टोबर रोजी पहाटे ४.०० वाजता करण्यात येणार आहे. नवरात्रौत्सवाच्या काळात भाविकांना गडावर जाण्याकरिता सवलतीच्या दरात हेलिकॉप्टरची सेवा उपलब्ध करून देण्यात आली आहे. होमाच्या दिवशी गडावर जाणे शक्य न होणाऱ्या भाविकांसाठी वाहनतळाच्या परिसरात मोठा पडदा बसविण्यात येणार असून, भाविकांना त्यावर दर्शन घेता येईल, अशी माहिती देवस्थानचे अध्यक्ष माजी आमदार अनंत तरे यांनी दिली. हेलिकॉप्टर प्रवासासाठी के. रवी ९००४३७३७५५ अथवा ९७६९१३८९१० या क्रमांकावर संपर्क साधण्याचे आवाहन तरे यांनी केले आहे.