इच्छुकांना महानगरपालिकेच्या नव्या आरक्षणाची चिंता होतीच, मात्र अनेकांना अधिक धास्ती होती ती प्रभागरचनेची. राजकीय पक्ष आणि इच्छुकांच्या वर्तुळात त्याचीच आतुरतेने प्रतीक्षा होता. याबाबत गेल्या दोन महिन्यांपासून चर्चाही झडत होती. आरक्षणांच्या सोडतीबरोबरच शुक्रवारी ही उत्सुकताही संपुष्टात आली. प्रभागरचनेचे प्रारूप पाहता काहींची अडचण झाली असेल, मात्र मनपातील विद्यमान पदाधिकारी व प्रमुखांनी सुस्कारा टाकला आहे. एका अर्थाने हे सगळेच तेल लावलेले पहिलवान ठरले आहेत.
राज्य निवडणूक आयोगाच्या सुरुवातीच्या कार्यक्रमानुसार नव्या प्रभागरचनेचे प्रारूप येत्या दि. २७ ला जाहीर करण्यात येणार होते. आज केवळ आरक्षणाच्या सोडतीच काढण्यात येणार होत्या. मात्र नंतर त्यात बदल करून सोडतीबरोबर आजच हे प्रारूप नागरिकांना पाहण्यासाठी खुले करण्यात आले. मनपाच्या प्रवेशद्वारावरच पूर्ण शहराचा म्हणजेच ३४ प्रभागांचा नकाशा फलकावर प्रसिद्ध करण्यात आला होता. शिवाय आतील बाजूला सर्व प्रभांगाचे स्वतंत्र नकाशे व त्यात समाविष्ट परिसराची माहिती खुली करण्यात आली होती. हे सर्व प्रारूप येत्या दि. २७ ला प्रसिध्द करण्यात येणार असून दि. ३ सप्टेंबपर्यंत त्यावर हरकती दाखल करता येतील.
प्रभागरचनेतील ठळक बाबी
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
