शारदीय नवरात्रोत्सवास करवीरनगरीत प्रारंभ

वण्यात आले होते. त्याद्वारे भाविकांची रांग शिस्तबद्ध रीत्या पुढे जात होती. शिवाय ज्या भाविकांना रांगेतून दर्शन घ्यायचे नाही, अशांसाठी मुखदर्शनाची सोय केली आहे. गरुड मंडपाजवळील अतिक्रमणे हटविण्यात आली आहेत. त्यामुळे तेथून देवीचे मुखदर्शन सहज रीत्या घेणे शक्य झाले होत.
मंदिराची सुरक्षा व्यवस्थाही कडक करण्यात आली आहे. सीसी टीव्हीच्या माध्यमातून मंदिरातील परिस्थितीवर नियंत्रण ठेवले जात आहे. पोलीस, खासगी सुरक्षा रक्षक, व्हाइट आर्मी, कमांडो व विशेष फिरते पथक यांच्याकरवी गर्दीवर नियंत्रण ठेवले जात आहे.
मंदिराच्या आवारात महालक्ष्मी भक्तमंडळ व श्रीपूजक मंडळाच्या वतीने विविध सांस्कृतिक कार्यक्रमांचेआयोजन केले आहे. आज सकाळी येथे भावगीत व भक्तिगीतांचा तसेच लहान मुलांच्या नृत्याचा कार्यक्रम पार पडला. बुधवारी रात्री पं.शौनक अभिषेकी यांचा गायनाचा कार्यक्रम होणार आहे. सायंकाळी मंदिराचा परिसर विद्युत रोषणाईने उजळून निघाला होता. रात्री परंपरेप्रमाणे पालखी सोहळा पार पडला. यंदापासून मोबाईल जॅमर सुरू करण्यात आला असला तरी पहिल्या दिवशी ही यंत्रणा अपेक्षेप्रमाणे यशस्वी ठरली नाही.मंदिराच्या आवारात मोबाईल फोन सुरूच असल्याचे दिसत होते. विशेषत मंदिरातील कर्मचारी, देवस्थान समिती यांचीच अडचण होत असल्याचे दिसत होते.
दरम्यान महालक्ष्मी भक्तांसाठी अविरत अन्नछत्र सेवा सुरू करण्यात आली आहे. मंदिराजवळ असलेल्या कपीलतीर्थ मार्केट येथील हॉलमध्ये एकाचवेळी २०० लोक भोजन घेऊ शकतात. रोज २ हजार भाविकांना अन्नदान केले जाणार आहे. नवरात्रीच्या कालावधीत सकाळी ११ ते ४ या वेळेत अन्नछत्र सुरू राहणार आहे.