कर्जदार नामानिराळा, जामीनदाराला शिक्षा

कर्जाची परतफेड करण्यासाठी जामीनदाराने दिलेले धनादेश वटले नाहीत म्हणून न्यायालयाने त्यास तीन महिने कैद व ५ लाख ४० हजार रुपये संबंधित संस्थेला देण्याचा निकाल आज दिला. कर्जदार नामानिराळा राहिला, मात्र जामीनदारालाच तुरुंगाची हवा खावी लागण्याची आफत ओढवली.
श्यामराव पांडुरंग जाधव (रा. सुरेगाव ता. कोपरगाव) असे शिक्षा ठोठावण्यात आलेल्या जामीनदाराचे तर विक्रम चंद्रभान जाधव (रा. कारवाडी, सिन्नर) असे कर्जदाराचे नाव आहे. याबाबत अधिक माहिती अशी की, येथील संभाजीराजे थोरात पतसंस्थेकडून विक्रम जाधव यांनी वेगवेगळी दोन कर्जे घेतली होती. त्या कर्जास श्यामराव जाधव जामीनदार होते. वेळेत कर्ज फेडले नाही म्हणून संस्थेने दोघांकडेही तगादा लावला होता. अखेर जामीनदार शाम जाधव यांनी परतफेडीसाठी संस्थेला दोन धनादेश दिले. मात्र खात्यावर रक्कम शिल्लक नसल्याने धनादेश न वटता परत आले त्यावर संस्थेने येथील न्यायालयाकडे धाव घेतली.
सुनावणीअंती येथील प्रथम वर्ग न्यायदंडाधिकारी आर. एस. राय यांनी याप्रकरणी आज निर्णय दिला. त्यानुसार जाधव यांना तीन महिने कैद तसेच एका कर्जप्रकरणी दोन लाख वीस हजार व दुस-या कर्जप्रकरणी तीन लाख वीस हजार असे पाच लाख चाळीस हजार रुपये थोरात पतसंस्थेकडे जमा करण्यास फर्मावले आहे.

आणखी वाचा

न्यायालय म्हणाले,‘आरोपीच्या हक्कांचे रक्षण करणे हे आमचे कर्तव्य’…

Madhuri Dixit : डर चित्रपट माधुरी दीक्षितने का…

पुणे : टोमणे मारल्याने बांधकाम मजुराचा खून करणाऱ्या एकाला जन्मठेप

ठाणे खाडीची देखरेख उच्च न्यायालयामार्फत; सर्वोच्च न्यायालयाच्या निर्देशांमुळे संरक्षण प्रयत्नांना बळ

देशात इन्कम टॅक्स भरणारे केवळ ६.६८ टक्केच ; निम्म्याहून अधिकांचा शून्य करभरणा!

येरवडा कारागृहात कैद्यांमध्ये हाणामारी, कैद्याला बेदम मारहाण प्रकरणात दोघांवर गु्न्हा

“पोलिसांनी गुन्हा केला तर अधिक कठोर…”, वाचा, जामीन रद्द करताना काय म्हणाले न्यायालय?

भारतात मानसिक आजार दुर्लक्षित, मनोरूग्ण दोषसिद्ध आरोपीला जामीन मंजूर करताना उच्च न्यायालयाचे निरीक्षण