उत्तराखंडातील जलप्रलयातील आपदग्रस्तांच्या मदतीसाठी स्नेहालयच्या पुढाकारातून शहरातील वेश्या व तृतीयपंथी पुढे आले आहेत. एक दिवसाच्या कमाईचे १३ हजार ३०१ रुपये त्यांनी आज जिल्हाधिकारी डॉ. संजीवकुमार यांच्याकडे सुपूर्द केले, तसेच महिनाभरात त्यासाठी १ लाख रुपये देण्याचा निर्धार त्यांनी केला आहे.
पंतप्रधान सहायता निधीसाठी ही मदत देण्यात आली आहे. शिवाय आज या सर्वांनी एक दिवसाचा उपवास केला व हा शिधा आपदग्रस्तांसाठी पाठवण्यात येणार आहे. उद्या (बुधवार) हा शिधा जिल्हाधिका-यांकडे सुपूर्द करण्यात येणार आहे. शहरातील वेश्या व तृतीयपंथीयांनी याआधीही लातूर, गुजरातचा भूकंप, ओरिसातील चक्रीवादळ, त्सुनामी, मुंबईतील बाँबस्फोट, दुष्काळ अशा आपत्तीत २४ वेळा अशाच प्रकारे भरीव मदत केली आहे.