‘वाचन संस्कृती लोप पावल्याने समाज सकस वाचनापासून दूर’

वाचन संस्कृती लोप पावत चालल्याने समाज सकस वाचनापासून दुरावत आहे, अशी खंत व्यक्त करताना वाचन संस्कृती जोपासण्याचे आवाहन हास्यकवी अशोक नायगावकर यांनी केले.
अंबाजोगाई येथील कवी दिनकर जोशी यांनी लिहिलेल्या ‘आयुष्याचे अवघड ओझे’ या कवितासंग्रहाचे प्रकाशन कवी नायगावकर, प्रा. फ. मुं. शिंदे यांच्या उपस्थितीत झाले.
या वेळी राज्य पणन महासंघाचे उपाध्यक्ष राजकिशोर मोदी, आमदार पृथ्वीराज साठे, साहित्यिक भास्कर बडे, वासुदेवराव जोशी, मंगला जोशी आदी उपस्थित होते. वास्तव व सत्य अंगीकारून मानवी मनाची सल पकडून अस्सल निर्मिती ‘आयुष्याचे अवघड ओझे’ या कवितासंग्रहातून झाली आहे, असे मत प्रा. फ. मुं. शिंदे यांनी या वेळी व्यक्त केले.
सत्य अंगीकारून मानवी मनाची सल पकडून अस्सल अशी निर्मिती जोशी यांच्या काव्यसंग्रहातून झाली आहे. शिक्षक हा सामाजिक आईची भूमिका करतो. तो आशय व गीतरचनांचा या कवितासंग्रहात समन्वय साधला आहे, असेही ते म्हणाले.
अनुभवातून जी येते ती कविता. विलक्षण वास्तव व यातनामय प्रवास, व्यवस्थेतील दोषावर प्रवाह, समाजमनाचा वेध दिनकर जोशी यांच्या अनेक कवितांमधून घेतला गेला आहे, असे नायगावकर यांनी सांगितले. अशोक खंदारे, गीता जोशी, सारा जोशी यांनी जोशी यांच्या कविता सादर केल्या. प्रास्ताविक राजकिशोर मोदी यांनी केले.

आणखी वाचा

संविधानभान : राष्ट्रभाषा नव्हे; राजभाषा

Sushma Andhare : “माझी प्रिय भावजय” म्हणत सुषमा…

विकी कौशलच्या वडिलांनी सांगितली अमिताभ बच्चन यांची आठवण; म्हणाले, “चिखलाने माखलेल्या अवस्थेत…”

“आई आणि बायकोवरून…”, आक्षेपार्ह कमेंट करणाऱ्याला ऐश्वर्या नारकरांनी सुनावलं; म्हणाल्या, “महिलांचा…”

“अंकिता आणि आमचे दाजी…”, वैभव चव्हाणने ‘कोकण हार्टेड गर्ल’बरोबरचे शेअर केले फोटो; नेटकरी म्हणाले, “विश्वास बसत नाही…”

भुवनेश्वरी आणि चारुलताच्या गोंधळात अक्षराच वेडी ठरणार; नेटकरी म्हणाले, “शिक्षिका असून सुद्धा…”

चांगले वागण्याचे नाटक करून डॅडींचा सूर्याला फसविण्याचा प्लॅन; प्रोमो पाहताच नेटकरी म्हणाले, “तुमचं पोरगं आणि तुम्ही…”

बालमैफल : शेअरिंगची गंमत