मध्य नागपूचा पाणीपुरवठा बळकट करण्यासाठी नागपूर महापालिका व ओसीडब्ल्यूने सीताबर्डी किल्ला येथील जलकुंभाच्या पुनर्बाधणीच्या कामाला सुरुवात केली आहे. महापौर अनिल सोले, जलप्रदाय समिती अध्यक्ष सुधाकरराव कोहळे व एनईएसएलचे संचालक प्रवीण दटके यांनी सुरू असलेल्या कामांचा आढावा घेतला.
सध्या सेमिनरी हिल्स येथील एमबीआरएसप्रमाणेच सीताबर्डी किल्ला येथेही फोर्ट १ व फोर्ट २ असे दोन जलकुंभ आहेत. या जलकुंभातून मुख्यत्वे शहराच्या मध्य भागाला पाणीपुरवठा होतो. या अतिशय जुन्या जलकुंभापैकी किल्ला २ हे जलकुंभ पूर्णपणे उद्ध्वस्त करून त्याच जागी नवीन जलकुंभ बांधण्यात येतील. पोर्ट २ जलकुंभ जवळजवळ ५० वषार्ंपूर्वी बांधण्यात आले होते. तेव्हापासून त्याची डागडूजी झाली नाही. या कामामध्ये सीताबर्डी किल्ल्याच्या दोन टाक्याचे विलगीकरण करणे, या नवीन व्यवस्थेत पाण्याचे प्रभावी व्यवस्थापन करण्यासाठी नवीन व्हॉल्व बसवणे व पाण्याच्या मोजमापासाठी फ्लो मीटर बसवणे इत्यादी कामे हाती घेतली जाणार आहेत.
