निकृष्ट व बनावट कामांची देयके मंजूर करण्याचा सपाटा महापालिकेत सुरू आहे. प्रभारी आयुक्त गोकुळ मवारे हे शिवसेना-भाजप नेत्यांना खूश करण्यासाठी कारभार करीत असल्याचा आरोप काँग्रेसचे कार्यकर्ते जया गुदगे यांनी केला. मवारंेकडील अतिरिक्त कारभार काढून घ्यावा, अशी विनंती गुदगे यांनी मुख्यमंत्र्यांना पत्राद्वारे केली.
महापालिका आयुक्त डॉ. हर्षदीप कांबळे हे प्रशिक्षणास गेले असल्याने मनपा आयुक्तपदाचा अतिरिक्त कारभार मवारे यांच्याकडे दिला आहे. मवारे हे विभागीय आयुक्त कार्यालयात अतिरिक्त आयुक्तपदावर कार्यरत आहेत. मनपाच्या अत्यावश्यक नियमित सेवा त्यांनी कारभार हाती घेतल्यापासून ढेपाळले आहे. ते ठेकेदारांसाठी काम करीत असून शहर अभियंता पदावर सखाराम पानझडे यांना बसविण्यास प्रयत्न करीत आहेत. स्थानिक शिवसेना नेत्यांना खूश करण्यासाठी त्यांचे सुरू असणारे प्रयत्न चुकीचे असल्याने मवारे यांच्याकडील कारभार काढून घ्यावा, अशी विनंती गुदगे यांनी केली.
