रोहन देशमुख व आकांक्षा निटुरे टेनिस स्पर्धेत अजिंक्य

नाशिक शहर महिला कुस्ती संघ जाहीर
नाशिक येथील यशवंतराव व्यायामशाळेत झालेल्या चाचणी स्पर्धेतून नाशिक शहर तालीम संघाचा महिला संघ निवडण्यात आला आहे.
हा संघ वर्धा येथे होणाऱ्या १५ व्या महिला राज्य अजिंक्यपद कुस्ती स्पर्धेत नाशिकचे नेतृत्व करणार आहे. या निवड प्रसंगी तालीम संघाचे अध्यक्ष संजय चव्हाण, महासचिव हिरामण वाघ, संजय खैरे आदी उपस्थित होते. या मध्ये ४८ किलो वजनी गटात शिल्पा तांबोळी, ५१ किलो गटात भाग्यश्री तांबोळी, ५५ किलो गटात स्वर्णा गांगुर्डे, ५९ किलो गटात सोनाली साठे, ६७ किलो गटात सोनाली काटे यांची निवड करण्यात आली आहे.

‘नाशिप्रमं’ चा क्रीडा महोत्सव
नाशिक शिक्षण प्रसारक मंडळ या संस्थेच्या २० व्या क्रीडा महोत्सवाचे उद्घाटन नाशिकरोड येथील पुरुषोत्तम इंग्लिश स्कूलच्या मैदानावर पोलीस आयुक्त कुलवंतकुमार सरंगल यांच्या हस्ते झाले. महोत्सवात १२०० खेळाडू सहभागी झाले. अध्यक्षस्थानी संस्थेचे अध्यक्ष डॉ. विजय काकतकर होते. व्यासपीठावर संस्थेचे कार्याध्यक्ष महेश दाबक, सचिव अरुण पैठणकर उपस्थित होते. प्रारंभी राष्ट्रीय खेळाडूंच्या हस्ते क्रीडा ज्योत फिरविण्यात आली.
या वेळी मान्यवरांच्या हस्ते राष्ट्रीय खेळाडू सुयोग गायकवाड, अनिल शर्मा, स्वप्निल सावंत, किरण जाधव, श्रेयस इंगळे, अिजक्य पाटील, कल्याणी पगारे, हर्षांली देहाडराय, मृदुला देवकर, कावेरी हांडोरे, प्रगती बच्छाव, प्रियंका घुमरे, विणा कढरे आदींचा सत्कार करण्यात आला. संरगल यांनी मुलींना खेळामध्ये प्रोत्साहन देण्याचे काम संस्था करत असल्याबद्दल आनंद व्यक्त केला.
डॉ. काकतकर यांनी शालेय जीवनात अभ्यासाबरोबर शरीर निरोगी   ठेवण्यासाठी    खेळालाही महत्त्व दिले पाहिजे.   पराजयातून    विजयाकडे   नेण्याचे शिक्षण खेळ देत असल्याचे सांगितले.   सूत्रसंचालन स्वाती धारकर तर प्रद्युम्न जोशी   यांनी आभार मानले.