पिंपळगाव बहुला येथील ज्योती विद्यालयाचे क्रीडा शिक्षक अण्णासाहेब शिरोळे यांना नाशिक जिल्हा माध्यमिक शिक्षक पतसंस्थेच्या वतीने खा. प्रतापदादा सोनवणे, आ. डॉ. सुधीर तांबे, आ. अपूर्व हिरे यांच्या उपस्थितीत क्रीडा शिक्षक पुरस्काराने सन्मानित करण्यात आले. शिरोळे यांच्या मार्गदर्शनाखाली खेळाडूंनी राज्य व राष्ट्रीय पातळीवर नैपुण्य संपादन केले. तसेच विविध क्रीडा संघटनांच्या माध्यमातून स्पर्धाचे आयोजन केले. पंच मार्गदर्शक म्हणूनही कामगिरी केली आहे. त्यांच्या आजवरच्या कामाची दखल घेत पतसंस्थेच्या वतीने त्यांना सन्मानित करण्यात आले.