खारघर येथे घरगुती शिकवणीत एका अल्पवयीन विद्यार्थिनीचा विनयभंग केल्याप्रकरणी पोलिसांनी त्या शिक्षकाला अटक केली आहे. शनिवारी दुपारी ही घटना घडली होती. या प्रकरणी पीडित तरुणीने दिलेल्या तक्रारीनंतर हा प्रकार उघडकीस आला आहे.
कैलास ठाकूर (२६) असे आरोपीचे नाव आहे. सेक्टर १२ येथील रो हाऊसमध्ये आरोपी खासगी शिकवणी घेतो. शनिवारी दुपारी पावणेबाराच्या सुमारास शिकवणी सुटल्यानंतर ठाकूर याने पीडित विद्यार्थिनीला थांबण्यास सांगून दुसऱ्या मजल्यावर जाण्यास सांगितले. यानंतर तेथे तिच्यासोबत गैरवर्तन केले. विद्यार्थिनीने खारघर पोलीस ठाण्यात या प्रकरणी तक्रार दिली.
ठाकूर याच्या विरोधात विनयभंगाचा गुन्हा दाखल करीत अटक करण्यात आल्याची माहिती खारघर पोलिसांनी दिली आहे.