या जिल्ह्यातील विविध पोलीस ठाण्यांमधील एकूण सात पोलीस पोलीस निरीक्षकांना सारख्याच पदावर इतरत्र हलविण्यात आले.
गोंदियाच्या वाहतूक शाखेतील पोलीस निरीक्षक सुनील घुगे यांची बदली ठाणे येथील शहर पोलीस ठाण्यात करण्यात आली. गोंदिया शहर पोलीस ठाण्यातील पोलीस निरीक्षक सुनील बोंडे यांची बदली नागपूर शहर पोलीस ठाण्यात करण्यात आली आहे. गोंदिया नक्षल सेलचे पोलीस निरीक्षक रवींद्र कापगते यांची बदली नागपूर ग्रामीण पोलीस ठाण्यात, तर तिरोडा पोलीस ठाण्यातील पोलीस निरीक्षक प्रमोद मडामे यांची बदली नागपूर शहर पोलीस ठाण्यात करण्यात आली आहे.
गोंदिया ग्रामीण पोलीस ठाण्यातील निरीक्षक जितेंद्र कोळी यांची बदली पुणे शहर पोलीस ठाण्यात करण्यात आली. रामनगर ठाण्याचे निरीक्षक रवींद्र शेळके यांची बदली सोलापूर येथील ग्रामीण पोलीस ठाण्यात करण्यात आली, तसेच देवरी नक्षल सेलमधील पोलीस निरीक्षक राजेश नंदीमठ यांची बदली बृहन्मुंबईच्या पोलीस ठाण्यात करण्यात आली.
पोलीस निरीक्षकांच्या बदलीचे आदेश काल सायंकाळी काढण्यात आले. मात्र, बदली करण्यात आलेल्या संबंधित घटकात त्यांची पदे रिक्त आहेत किंवा नाही, ही माहिती मिळेपर्यंत त्यांना सध्याच्या नियुक्तीच्या ठिकाणातून कार्यमुक्त केले जाणार नाही, असे शासन आदेशात नमूद केले आहे.
