मराठीच्या अध्यापनासाठी मुंबई विद्यापीठातर्फे कार्यशाळा

मुंबई विद्यापीठाच्या मराठी आणि जर्मन विभागातर्फे ‘अन्य भाषकांसाठी ‘मराठी’चे अध्यापन : वर्तमान स्वरूप आणि भवितव्य’ या विषयावर  कालिना येथील विद्यानगरीतील जीवशास्त्र विभागाच्या चर्चासत्र कक्षात २१ व २२ मार्च रोजी दोन दिवसीय राज्यस्तरीय कार्यशाळेचे आयोजन करण्यात आले आहे.
या कार्यशाळेचा प्रारंभ सकाळी साडेदहा वाजता ‘लोकसत्ता’चे व्यवस्थापकीय संपादक गिरीश कुबेर यांच्या बीजभाषणाने होणार आहे. पहिल्या सत्रात ‘अन्य भाषकांसाठी ‘मराठी’चे अध्यापन : अनुभवकथन’ या विषयावर आयोजित चर्चासत्रात पुणे येथील मराठी अभ्यास परिषदेच्या विजया देव व वझे महाविद्यालयाच्या मराठी विभागाचे प्रमुख प्रकाश परब सहभागी होणार असून परिषदेचे प्र. ना. परांजपे हे अध्यक्षस्थानी असतील.
याच विषयावर होणाऱ्या दुसऱ्या सत्रात अनुक्रमे नीती बडवे, शोभना नाडकर्णी सहभागी होतील. याच विषयावरील तिसऱ्या सत्रात रुईया महाविद्यालयाचे विजय तापस आणि सोमैय्या महाविद्यालयाच्या मराठी विभागप्रमुख वीणा सानेकर सहभागी होतील तर चौथ्या सत्रात ‘मराठी अभ्यास केंद्रा’चे दीपक पवार, ‘राज्य मराठी विकास संस्थे’चे सुशांत देवळेकर आणि ‘न्यु इंडीकट्रान्स टेक्नॉलॉजीज प्रा. लिमिटेड’चे स्वप्नील हजारे आदी सहभागी होणार आहेत.
दुसऱ्या दिवशी होणाऱ्या कार्यशाळेत ‘अन्य भाषकांसाठी मराठी अध्यापन कसे असावे’ याबद्दल प्रकाश परब, पुण्याच्या ‘वेस्टर्न रिजनल लॅंग्वेज सेंटर’च्या कलिका मेहता, जर्मन विभागाच्या गिरिजा गोंधळेकर आणि रूपा पुजारी हे प्रात्यक्षिक सादरीकरण करणार आहेत. तर याचवेळी सुहास लिमये आणि जयवंत चुनेकर हे अमराठी भाषक आणि मराठी अध्यापक यांच्याशी गप्पा मारतील. तर दुसऱ्या सत्रात गटचर्चा आणि कृतिआराखडा तयार करण्यात येणार असून यात दीपक पवार, विद्यापीठाच्या जर्मन विभागाच्या प्रमुख विभा सुराणा, वसुंधरा पेंडसे नाईक, प्र. ना. परांजपे, सुहासिनी कीर्तिकर, कलिका मेहता, मिलिंद जोशी आदी मान्यवर सहभागी होणार आहेत.

आणखी वाचा

विज्ञानव्रती

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

ठाणे जिल्ह्यात गृहमतदानाला सुरुवात

निवडणूक प्रचारासाठी ठाण्यात ९४ रथांना परवानगी

प्रचारातून विकासाचे मुद्दे हद्दपार, जातीय राजकारण, बंडखोरी व मतविभाजनाचे गणितच चर्चेत; सर्वसामान्यांचे जिव्हाळ्याच्या प्रश्नांना बगल

Video : महाराष्ट्रातील पहिले महाविद्यालय आहे पुण्यात! २०० वर्षे जुने हे कॉलेज माहितेय का?

MPSC मंत्र: राज्यसेवा मुख्य परीक्षा; विज्ञान व तंत्रज्ञान

मुख्यमंत्र्यांसाठीचे सामोसे खाल्ले कुणी? CID करतेय चौकशी; राज्यभर त्याचीच चर्चा!