फडके रोडवर उगवली तरूणाईची दिवाळी पहाट..

मंगळवार दिवाळीच्या पहिल्या दिवशी आपले आप्त, मित्रांना शुभेच्छा देण्यासाठी पहाटेपासून तरूण, तरूणी फडके रोडवर जमले होते. तरूणाईच्या जल्लोषात बालगोपाळ, ज्येष्ठ, वृध्द मंडळीही सहभागी झाली होती. नाटय़, नृत्य कलाविष्कारांचा स्वाद घेत, उभ्या उभ्याच फराळावर ताव मारत तरूणाईने युवा भक्ती दिन मोठय़ा जल्लोषात साजरा केला.
गेल्या अनेक वर्षांपासून दिवाळीच्या पहिल्या दिवशी डोंबिवली पूर्वेतील फडके रस्त्यावर जमण्याची परंपरा आहे. जुन्या जाणत्यांनी सुरू केली ही परंपरा आजही सुरू आहे. दिवाळीच्या पहिल्या दिवशी गावच्या वेशीवर असलेल्या श्री गणेशाचे दर्शन घेण्यासाठी जुनी जाणती मंडळी जमत असत. तीच परंपरा पुढे सुरू राहिली आणि बघता बघता फडके रोडवर दिवाळीच्या दिवशी तरूणाई फुलू लागली. विविध पेहरावात आपल्या मित्र, स्वकीयांना शुभेच्छा देण्यासाठी पहाटेपासून तरूण, तरूणी उपस्थित होते. यावेळी सुयश नाटय़ संस्था, श्री मुद्रा कलानिकेतन या संस्थांच्या नाटय़, नृत्य कलाकृतींचे सादरीकरण करण्यात आले.
गणपती मंदिराच्या आवारात एक भव्य पणती कलाज्योत या नावाने तयार करण्यात आली होती. मुंबईतील रचना संसदच्या केतकी शिंत्रे, अनिकेत पोतदार, संकेत, जुही शहा, शिप्रा, सौरभ यांनी ही पणती तयार करण्यात पुढाकार घेतला होता. ही पणती पाहण्यासाठी नागरिकांनी गर्दी केली होती. गणेश मंदिर दर्शनासाठी गर्दीने फुलून गेले होते.

आणखी वाचा

तरुणीला पाहून आजोबांचा सुटला ताबा, भरस्टेजवर डान्स सुरू असतानाच केलं किस अन्…, VIDEOमध्ये पाहा पुढे काय काय घडलं

Madhuri Dixit : डर चित्रपट माधुरी दीक्षितने का…

“नाच रे मोरा आंब्याच्या वनात” गेट दुगेदरला शाळेतल्या जुन्या मित्रांनी केला भन्नाट डान्स; VIDEO पाहून पोट धरुन हसाल

नानाजी देशमुख राष्ट्रीय पंचायतराज पुरस्काराने तिरोडा पंचायत समिती सन्मानित

नाशिक : जिल्ह्यात शंभर दिवसांसाठी क्षयरोग जागृती मोहीम

ठाणे : यंदाच्या नववर्षे स्वागत यात्रेत ‘संविधान’ विषयावर चित्ररथ

तुळजाभवानी मंदिराला मिळणार पुरातन झळाळी, जीर्णोध्दाराचे काम पुरातत्व खात्याच्या निगराणीखाली वेगात सुरू

कल्याणमधील दुर्गाडी किल्ला येथे जल्लोष