१९ वर्षीय तरुणी ठरली जगातील सर्वात तरुण अब्जाधीश, किती आहे संपत्ती? भारतात हा मान कुणाला मिळाला, हे ही पाहा

Livia Voigt कोण आहे?

लिव्हिया व्होग्ट ही लॅटिन अमेरिकेतील सर्वात मोठ्या इलेक्ट्रिकल मोटर्स उत्पादकांपैकी एका कुटुंबाची वारस आहे. तिचे आजोबा वर्नर रिकार्डो वोइग्ट यांनी सह-स्थापित केलेल्या WEG मधील ती सर्वात मोठी वैयक्तिक शेअरहोल्डर आहे. सध्या विद्यापीठात शिक्षण घेत असणारी लिव्हिया व्होग्ट अद्याप कंपनीच्या बोर्डाचा भाग नाही असे फोर्ब्सने अहवालात नमूद केले आहे. लिव्हीयाची एकूण संपत्ती १.१ अब्ज अमेरिकन डॉलर (९१, ६१, १६,३०,००० भारतीय रुपये) इतकी आहे.

तिची मोठी बहीण, डोरा व्होईग्ट डी ॲसिस, या वर्षी फोर्ब्सच्या अब्जाधीशांच्या यादीत समाविष्ट असलेल्या २५ सर्वात तरुण अब्जाधीशांमध्ये जोडलेल्या सात नवीन नावांपैकी एक आहे. २६ वर्षीय तरुणीची एकूण संपत्ती १.१ अब्ज अमेरिकन डॉलर आहे, डोरा हिने २०२० मध्ये आर्किटेक्चरची पदवी मिळवली होती.

Clemente Del Vecchio कोण आहे?

तर सर्वात तरुण अब्जाधीशांच्या यादीत दुसऱ्या क्रमांकावर असणाऱ्या क्लेमेंटे डेल वेचियोकडे लिव्हिया व्होग्टपेक्षा जास्त मालमत्ता आहे, त्याची एकूण संपत्ती ४. ८ अब्ज अमेरिकन डॉलर इतकी आहे. क्लेमेंटे हा लिओनार्डो डेल वेचियो यांचा मुलगा आहे, जे ‘EssilorLuxottica’ या जगातील सर्वात मोठ्या चष्म्याच्या कंपनीचे मालक होते. लिओनार्डो हे स्वतः सुद्धा युरोपातील सर्वात श्रीमंत व्यक्तींपैकी एक होते, त्यांचे २०२२ मध्ये वयाच्या ८७ व्या वर्षी निधन झाले. वडिलांच्या मृत्यूनंतर क्लेमेंटेला त्याच्या वडिलांच्या कंपनीत १२.५ टक्के भागभांडवल मिळाले.

क्लेमेंटे हा लिओनार्डो डेल वेचिओच्या सहा मुलांपैकी एक आहे, त्यांच्या चष्मा कंपनीकडे रे-बॅन आणि ओकले सारख्या टॉप आयवेअर ब्रँडची मालकी आहे. लिओनार्डो यांचे वडिलांचे तीनदा लग्न झाले होते आणि क्लेमेंटे हा त्यांच्या तिसऱ्या पत्नीचा मुलगा आहे. इटलीतील मिलान येथे क्लेमेंटे वास्तव्यास असतो.

हे ही वाचा<< रोहित शर्माची पत्नी म्हणून नव्हे तर रितिका सजदेहची ‘ही’ ओळख दाखवते तिची शक्ती; काम ते नातं, कसं आहे आयुष्य?

भारतातील सर्वात तरुण अब्जाधीश

भारतात, यावर्षी फोर्ब्सच्या श्रीमंत यादीतील सर्वात तरुण अब्जाधीशांमध्ये झेरोधाचे संस्थापक नितीन (४७० कोटी अमेरिकन डॉलर्स) आणि निखिल कामथ (३१० कोटी अमेरिकन डॉलर्स) आणि फ्लिपकार्टचे संस्थापक सचिन (१२० कोटी डॉलर्स) आणि बिन्नी बन्सल (१४० कोटी डॉलर्स) यांचा समावेश आहे.