आहारवेद : पोषक गुणधर्मांचा पडवळ

ग्रामीण भागामध्ये बहुधा प्रत्येक शेतकऱ्याच्या घरी मांडवावर पडवळे लोंबकळताना दिसतात. लांबलचक, चपटे-जाड, साल फिकट हिरवी, सर्पाकृती आकाराचे पडवळ असल्यामुळे इंग्रजीमध्ये त्याला ‘स्नेक गोर्ड’ असे म्हणतात. संस्कृतमध्ये ‘पटोल’, तर शास्त्रीय भाषेत ‘ट्रीचोसानथिस डॉईका’ म्हणतात. पडवळ ही वनस्पती ‘कुकर बिटेसी’ या कुळातील आहे. पडवळ ही फळभाजी संपूर्ण भारतात आढळते. त्यात दक्षिण भारतात ती फारच लोकप्रिय आहे. पडवळाचा वेल वर्षांयू आणि भरभर वाढणारा असतो. पडवळाचा वेल हा सहसा उष्ण हवेत वाढतो.

आणखी वाचा

Weight Loss: ५५ किलो वजन कमी करायला अभिनेत्याने वापरला ‘हा’ फंडा; फक्त टाळा ‘या’ चुका; वाचा डॉक्टर काय सांगतात

‘मुलुंडचे लवकरच नवीन धारावी नामांतर’, संतप्त मुलुंडवासियांकडून मुलुंडमध्ये…

अचानक वजन वाढल्यामुळे बॉलीवूड अभिनेत्रीला झाला ‘स्लिप डिस्क’चा त्रास; तज्ज्ञांनी सांगितलं ‘या’ आजारातून बरे होताना वजन कमी करण्याचे उपाय

Eating Ghee Increases Obesity : तुपाचे सेवन केल्याने लठ्ठपणा वाढतो का? जाणून घ्या, तज्ज्ञ काय सांगतात…

हिवाळ्यात तुमच्या आहारात मुळ्याच्या पानांचा समावेश का असावा? तज्ज्ञांनी सांगितले कारण…

दररोज नाश्त्याला दोन अंडी खाल्ली तर शरीरावर काय परिणाम होईल? वजन कमी करत असाल तर हे एकदा वाचा

विश्लेषण : लठ्ठपणा ठरविण्यासाठी आता नवे निकष?

मधुमेह झालेल्यांनी सकाळचा नाश्ता न केल्यास गंभीर आरोग्य समस्या उद्भतात? वाचा तज्ज्ञांचे मत…

औषधी गुणधर्म

कॅल्शिअम, लोह, फॉस्फरस, रियबोफ्लेमिन, थायमिन, कॅरोटिन, नायसिन, प्रथिने, आर्द्रता, तंतूमय व पिष्टमय पदार्थ, स्निग्धता, हे पोषक घटक असतात. आयुर्वेदानुसार पडवळ हे शीतल, रेचक, सारक, कृमीनाशक आणि वांतीकारक आहे.

उपयोग

• पित्तप्रकोपाने ताप आल्यास पडवळाचा काढा घ्यायला सांगतात. पडवळ हे रेचक गुणधर्माचे असल्याने पोट साफ होऊन ताप उतरतो. ताप अधिक प्रमाणात असल्यास या काढ्यात कोथिंबीर, काडेचिराईताचा रस व मध घालून प्यायला सांगतात.
• पडवळामध्ये कमी उष्मांक असल्यामुळे हृदयरोग, मधुमेह या आजारांत ते चांगले मानले जाते. या आजारांमध्ये पडवळ नियमित खाल्ल्यामुळे रक्तवाहिन्यांमधील अडथळा दूर होतो व रक्तपुरवठा सुरळीत होऊन वरील आजार कमी होतात असे मानले जाते.
• लठ्ठपणा असणाऱ्या व्यक्तींनी वजन कमी करण्यासाठीच्या प्रवासात आहारामध्ये नियमितपणे पडवळाचा वापर करावा असे सांगितले जाते.
• छातीत धडधडणे, दुखणे, चमका येणे इत्यादी तक्रारींमध्ये पडवळाचा रस दिवसातून ३ वेळा २ चमचे घ्यायला सांगितले जाते.
• पडवळ हे कृमीनाशक असल्यामुळे पोटातील कृमी शौचावाटे पडून जाण्यासाठी पडवळाच्या बियांची पूड १-१ चमचा दोन वेळा घ्यावी.
• अपचन, पोटात गुबारा धरणे, शौचास साफ न होणे, या तक्रारींवर पडवळाच्या बियांची पूड १-१ चमचा दोन वेळा घ्यावी. यामुळे पोटातील गुबारा कमी होऊन शौचास साफ होते.
• सांधे सुजून दुखत असतील, तर अशा वेळी पडवळाच्या पानांचा रस कोमट करून सांध्याच्या ठिकाणी लावायला सांगतात. साध्यांची सूज कमी होते.
• पडवळाचे मूळ हे रेचक गुणधर्माचे असल्यामुळे अनेक प्रकारच्या त्वचाविकारांवर ते चांगल्या प्रकारे परिणाम करते. तसेच पचनक्रिया सुधारण्यासाठीसुद्धा याचा उपयोग होतो. पडवळाच्या कोवळ्या फांद्या व वाळलेली फुले यांचा काढा साखर घालून घेतल्यास पचनक्रिया सुरळीत व्हायला मदत होते.

sharda.mahandule@gmail.com