सुंदर आणि ग्लोईंग त्वचेसाठी बटाटा अगदी उपयुक्त आहे. घरातली कामं, ऑफिसची धावपळ, बाहेर येणंजाणं या सगळ्यांमुळे आपल्या त्वचेची अगदी वाट लागते. धावपळीत पण आपल्या त्वचेकडे पुरेसं लक्षही देऊ शकत नाही. धूळ, प्रदुषणामुळे चेहऱ्यावर परिणाम होतो. त्यामुळे झोपण्याआधी चेहरा स्वच्छ कऱणं महत्त्वाचं आहे. अर्थात यासाठी दरवेळेस महागडे फेस वॉश वगैरे वापरण्याची गरज नाही. आपल्या घरात कायम असणाऱ्या बटाट्याचा यासाठी उपयोग होतो. बटाट्यामध्ये प्रोटीन, मॅग्नेशियम, फॉस्फरससारखे घटक असतात. यामुळे त्वचेला पोषण मिळतं. बटाटा चेहऱ्यावरची घाण साफ करुन चेहरा स्वच्छ तर करतोच आणि चेहऱ्यावरचे डागही कमी होतात. त्वचेचा रंग उजळतो आणि त्वचा मऊ होते. बटाट्यात azelaic acid आणि cytokine असल्याने मुरुम तयार होण्यास प्रतिबंध होतो. त्यामुळे ॲक्नेची समस्याही दूर होते, असं संशोधनातून सिध्द झालं आहे. तसंच डार्क स्पॉट्स, पिग्मेंटेशन कमी होण्यासही मदत होते.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
