पहिल्यांदाच चंद्रावर पडणार ‘ती’चं पाऊल…

चंद्रावर जाणं हे बहुतेक जणींचं स्वप्न असतं. अनेक जणी स्वप्नात चंद्रावरची सफर करूनही आल्या असतील. तर काही जणी स्पेस सायंटिस्ट किंवा अंतराळवीर बनून हे स्वप्न पूर्ण करण्याचा प्रयत्नही करत असतील. आपल्यापैकी एकीचं चंद्रावर जाण्याचं स्वप्न मात्र पूर्ण होतंय. तिचं नाव आहे क्रिस्टिना हेमॉक कोच! क्रिस्टिना ही चंद्रावर जाणारी पहिली महिला ठरणार आहे. ‘नासा’नं आपल्या आगामी चांद्रमोहिमेवर जाणाऱ्या चार जणांची नावं जाहीर केली आहेत. त्यामध्ये क्रिस्टिनाबरोबरच कॅनडाचे जेरमी हेन्सन, अमेरिकेतील व्हिक्टर ग्लोव्हर आणि रिड व्हाइसमॅन यांचा समावेश आहे. या वेळच्या मोहिमेमध्ये आणखी एक इतिहास रचला जात आहे. तो म्हणजे या टीममध्ये क्विटर ग्लोव्हर यांच्या रूपाने पहिल्यांदाच कृष्णवर्णीय सदस्याचीही निवड करण्यात आली आहे.