आहारवेद: उत्साहवर्धक नारळ

नारळाच्या वृक्षाचा प्रत्येक भाग उपयोगी असल्यामुळे त्याला ‘कल्पवृक्ष’ असेही म्हणतात. धार्मिक शास्त्रामध्ये नारळ हे पवित्र फळ मानले आहे. नारळ हा मूळचा इंडोमयाला या भागातील आहे. सुमारे तीन हजार वर्षांपूर्वीपासूनच भारतात नारळाची लागवड होत आहे. नारळाचा वृक्ष हा सरळ उंच वाढतो. त्याची पाने ही आकाराने मोठी पाम वृक्षासारखी असतात. नारळाचे झाड ८० ते २०० वर्षे टिकते. समुद्रकाठच्या रेताड भुसभुशीत जमिनीमध्ये नारळाची झाडे वाढतात.