फॅशनमधले अचाट तोडगे : ‘ब्रा’ऐवजी वापरल्या जाणाऱ्या ‘पेस्टीज्’!

आणखी वाचा : आई न होणाऱ्या स्त्रीला स्वार्थी ठरवले जाणे दु:खद: – जेनिफर अ‍ॅनिस्टन

‘पेस्टीज्’ म्हणजे काय?

हे उत्पादन काही ब्रॅण्डस् ‘निपल पेस्टीज्’ या नावानंही विकतात. नावावरूनच तुम्हाला हे उत्पादन काय असेल याची कल्पना आली असेल. ब्राऐवजीही काही प्रमाणात ‘कव्हरेज’ मिळावं आणि चुकूनमाकून ‘वॉर्डरोब मालफंक्शन’सारखी बिकट स्थिती उद्भवलीच, तरी काहीही दृष्टीस पडू नये, यासाठी ही योजना असते. कॉटन मटेरिअलच्या या पेस्टीज् चे सेट मिळतात आणि पेस्टीज् ची एक जोडी एकदा वापरून फेकून द्यायची असते (डिस्पोझेबल). अर्थातच त्या स्तनांवर चिकटवायच्या असतात. पेस्टीज् ना आजूबाजूनं ‘ब्रा’सारखा ‘सपोर्ट’ मिळावा म्हणून काही जणी त्वचेवर थेट चिकटवता येण्याजोग्या ‘बॉडी टेप’चाही वापर करतात. काही ब्रॅण्डस् च्या पुन्हा पुन्हा वापरण्याजोग्या- ‘नॉन डिस्पोजेबल’ पेस्टीज् सुद्धा मिळतात. या पेस्टीज् सिलिकॉन मटेरिअलच्या असतात. मात्र इथे आपण डिस्पोजेबल पेस्टीज् ची माहिती घेतोय.

आणखी वाचा : ‘किल द बिल’ची ओपोकू आहे तरी कोण ?

डिस्पोजेबल ‘पेस्टीज्’ काढायच्या कशा?

‘पेस्टीज्’ लावायच्या कशा ते तुम्हाला समजलंच असेल. चिकटवलेल्या पेस्टीज् काढणं हेही एक कामच आहे. याबद्दल प्रत्येक ब्रॅण्डनं आपल्या उत्पादनांवर सूचना दिलेल्या असतात. बरीच मंडळी चिकटवलेल्या पेस्टीज् काढण्यापूर्वी त्यावर तेल किंवा लोशन लावून १५-२० मिनिटं तसंच ठेवतात आणि सावकाश पेस्टीज् काढतात. त्या डिस्पोजेबल असल्यानं कागदांत गुंडाळून त्यांची विल्हेवाट लावायची असते.

आणखी वाचा : उपयुक्त : स्त्रियांची ‘शेपवेअर्स’

‘पेस्टीज्’ वापरताना काय काळजी घ्यावी?

‘पेस्टीज्’ ही फॅशनमधली आयत्या वेळची सोय आहे, हे लक्षात घ्या. त्यामुळेच ‘पेस्टीज्’ वापरताना काही गोष्टी ध्यानात ठेवाव्या लागतात. आपण चिकटवण्याजोग्या- डिस्पोजेबल पेस्टीज् च्या वापराबद्दलचे काही रूढ नियम पाहू या.

• चिकटवण्याच्या ‘पेस्टीज्’ ६-७ तासांपेक्षा अधिक काळ वापरू नयेत.
• तसंच त्या कधीकधीच वापरण्यायोग्य असतात, सलग पाठोपाठ दोन दिवस किंवा दररोज तर मुळीच वापरू नयेत.
• तुमची त्वचा संवेदनशील असेल तर ‘पेस्टीज्’ वापरू नयेत. किंवा पेस्टीज् वापरल्यानंतर त्वचेला खाज सुटणं, त्वचा लाल होणं, सूज अशी लक्षणं दिसल्यास त्या वापरणं त्वरित थांबवावं आणि डॉक्टरांचा सल्ला घ्यावा.
• काही उत्पादक असं आवर्जून सांगतात, की गरोदर स्त्रिया, स्तनदा माता, तसंच मधुमेही किंवा प्री-डायबेटिक स्त्रियांनी ‘पेस्टीज्’ वापरू नयेत. त्यामुळे आपण ज्या ब्रॅण्डचं उत्पादन खरेदी करू त्यावर लिहिलेल्या सूचना वाचणं आवश्यक आहे.

आणखी वाचा : त्वचा कोरडी पडते? अशी घ्या काळजी…

फॅशनमध्ये आपण सर्वसामान्य लोक कल्पनाही करू शकणार नाही अशी किती वेगवेगळी उत्पादनं वापरली जातात याचं ‘पेस्टीज्’ हे एक उदाहरण आहे! ऑनलाईन बाजारात वेगवेगळ्या ब्रॅण्डस् च्या पेस्टीज् उपलब्ध आहेत. क्वचित कधीतरी त्या वापरायलाही हरकत नसावी, अर्थात स्वत:चं आरोग्य आणि सोय या दोन्ही गोष्टी सांभाळूनच!