रिलायन्स इंडस्ट्रीजची वारसदार ईशा अंबानी पिरामल यांनी अलीकडेच इन्व्हिट्रो फर्टिलायझेशनबद्दल सांगितले. ईशा आणि तिचा पती आनंद पिरामल हे सुंदर जुळी मुले आदिशक्ती आणि कृष्णाचे पालक आहेत. पालकत्वाचा, मातृत्वाचा प्रवास वाटतो तितका सोपा नाही. ईशाच्या बाबतीत ती तिची आई नीता अंबानी यांनी तिला खूप धीर दिला. ईशाने तिच्या आईप्रमाणेच IVF द्वारे मातृत्व प्राप्त केले. ईशा आणि आकाश अंबानी यांचीही गर्भधारणा आयव्हीएफद्वारे झाली होती. तिच्या एका मुलाखतीत, ईशा म्हणते, “मला हे आवर्जून सांगावे वाटते की, माझ्या जुळ्या मुलांची गर्भधारणा IVF द्वारे झाली आहे कारण ही एक सामान्य गोष्ट आहे, बरोबर? यात गैर असे काही नाही. ती एक अवघड प्रक्रिया आहे. जेव्हा तुम्ही त्यातून जात असाल तेव्हा तुम्ही शारीरिकदृष्ट्या थकलेले असाल.” आईव्हीएफ प्रक्रियेला अद्यापही मोकळ्या मनाने स्विकारले जात नाही. आईव्हीएफबाबत पालकांच्या मनात अनेक प्रश्न आहेत. म्हणून, पुरेसे ज्ञान गोळा करणे आणि प्रक्रियेच्या सभोवतालच्या त्या सर्व मिथक आणि गैरसमजांना दूर करणे महत्वाचे आहे. गैरसमज १: IVF फक्त वृद्ध महिलांसाठी आहे किंवा फक्त महिला वंध्यत्वासाठी आहे वस्तुस्थिती: IVF फक्त वृद्ध महिलांसाठी नाही. IVF पुरुष आणि महिला वंध्यत्वासाठी वापरले जाऊ शकते. हे खरे आहे की, आयव्हीएफ बहुतेकदा महिला वंध्यत्वाशी संबंधित असते, परंतु जेव्हा पुरुषांच्या प्रजननक्षमतेत्या समस्या असतात जसे की कमी शुक्राणूंची संख्या तेव्हा ही IVF प्रक्रिया वापरली जाते. काही प्रकरणांमध्ये, दोन्ही जोदीदारांना प्रजननक्षमतेची समस्या असू शकतात आणि गर्भधारणा साध्य करण्यासाठी IVF हा एक व्यवहार्य पर्याय असू शकतो. गैरसमज: अनेक वर्षे नैसर्गिकरित्या प्रयत्न केल्यानंतर किंवा वंध्यत्वाचे इतर उपचार अयशस्वी झाल्यानंतरच IVF केले पाहिजे. वस्तुस्थिती: जरी अनेक जोडपी IVF चा विचार करण्यापूर्वी नैसर्गिक गर्भधारणा आणि इतर प्रजनन उपचारांचा प्रयत्न करतात, तरीही IVF कधी सुरू करायचा याची कोणतीही विशिष्ट नियम किंवा अट नाही. प्रजननक्षमतेच्या तज्ज्ञांचा सल्ला घेणे आवश्यक आहे, विशेषत: जर प्रजनन समस्या ज्ञात असतील किंवा जोडपे वयाने मोठे असतील तर वंध्यत्वाच्या प्रवासाच्या विविध टप्प्यांवर आयव्हीएफ हा एक योग्य पर्याय असू शकतो. हेही वाचा - गर्भारपणात ‘बीपी’ वाढलंय? गैरसमज २: IVF यशस्वी होण्याती शक्यता फार कमी आहे वस्तुस्थिती: IVF च्या यशाचा दर गेल्या काही वर्षांमध्ये सातत्याने सुधारला आहे आणि तो व्यक्तीचे वय, प्रजनन इतिहास आणि क्लिनिकचे कौशल्य यासारख्या घटकांवर अवलंबून बदलतो. वर्तमान डेटा दर्शवितो की, प्रति IVF सायकलचा थेट जन्मदर अनेक क्लिनिकसाठी सुमारे ३०% ते५०% किंवा त्यापेक्षा जास्त असू शकतो गैरसमज: IVF धोकादायक आणि असुरक्षित आहे वस्तुस्थिती: IVF ही एक सुरक्षित वैद्यकीय प्रक्रिया आहे. कोणत्याही वैद्यकीय उपचारांप्रमाणे, यात काही जोखीम असू शकतात, परंतु गंभीर गुंतागुंत दुर्मिळ आहेत. IVF प्रक्रियेदरम्यान त्यांच्या रूग्णांची सुरक्षितता आणि कल्याण सुनिश्चित करण्यासाठी प्रजनन विशेषज्ज्ञ परिश्रमपूर्वक कार्य करतात. हेही वाचा - सरोगसीद्वारे आई झालेल्या महिलांना प्रसूती रजेचा अधिकार आहे का? न्यायालयाचा नेमका निर्णय काय? गैरसमज ४ : IVF वेदनादायक आहे वस्तुस्थिती: IVF ही साधारणपणे वेदनादायक प्रक्रिया नसते. अंडी काढण्याच्या प्रक्रियेदरम्यान काही स्त्रियांना सौम्य अस्वस्थता जाणवू शकते, परंतु हे सहसा भूल देऊन केले जाते. त्यानंतरचे भ्रूण हस्तांतरण ही पॅप स्मीअरसारखीच तुलनेने वेदनारहित प्रक्रिया आहे. बहुतेक स्त्रिया लक्षणीय वेदनाशिवाय IVF चांगल्या प्रकारे सहन करतात. गैरसमज ५: IVF खूप महाग आहे आणि विम्याद्वारे संरक्षित नाही. वस्तुस्थिती: IVF ची किंमत मोठ्या प्रमाणात बदलू शकते, परंतु अनेक देशामध्ये पॉलिसी आहेत ज्यांमध्ये विमा संरक्षण आवश्यक आहे किंवा IVF उपचारांसाठी सबसिडी प्रदान करतात. तरीही ही एक महत्त्वपूर्ण आर्थिक गुंतवणूक असली तरी, पैसे देण्यासाठी योजना आणि वित्तपुरवठा यांसारखे पर्याय IVF ला अधिक सुलभ बनविण्यात मदत करू शकतात.
