गच्चीवरची बाग: फुलांचा सम्राट गुलाब

गुलाबाचे ३० लाख वर्षांपूर्वीचे जीवाश्म सापडतात. तर, शेकडो वर्षांपासून शिल्पकला, संगीत, काव्य, चित्रकला अशा अनेक कलांसाठी हा प्रेरणास्रोत आहे. अनेक चित्रकारांनी केवळ गुलाब चितारण्यात आपले आयुष्य वाहिले आहे. केवळ पाच नाजूक पाकळ्या अन् मधोमध धम्मक पिवळे पुंकेसर असलेला रानवेली अथवा झुडपांचा गुलाब रानावनात आढळतो. रेहडर यांनी गुलाबांचे १२० प्रजातींमध्ये वर्गणीकरण केले आहे. भारतातील जंगली गुलाबांच्या दहा जातींमध्ये पांढरा, गुलाबी, पिवळा, लिंबोणी, सुगंधी फुले असणारी गुलाब प्रजाती येतात. कस्तुरी गुलाब (मस्क रोज) याच प्रकारात मोडतो. उद्यानामध्ये लावल्या जाणाऱ्या गुलाबांचे प्रामुख्याने आठ पूर्वज मानले गेले आहेत. रोझा चीनेनसीस, रोझा देमासिना, रोझा फोटिडा, रोझा गॅलिका, रोझा जायगँटिका, रोझा मॉचसेंटा, रोझा मल्टिफोरा, रोझा व्हेच्युरीएना असे हे पूर्वज आहेत. अभ्यासकांनी गुलाबाचे सन १८०० च्या पूर्वीच्या अन् त्यानंतरच्या जाती असे विभाग केले आहेत. यातही रोझा गॅलिका हा मुख्य पूर्वज मानला जातो. अथक परिश्रमांनी संशोधन करून विविध मूळ जातींमधून गुणसंकराने नवीन प्रजाती संकरित केल्या गेल्या. याचेच फलित सतत भरभरून फुलणारा नाजूक प्रकृतीचा टिज (teas) व मोठय़ा फुलांचा श्रीमंती सुवासाचा कणखर प्रकृतीचा हायब्रिड पप्रेटय़ुला. पुढे यातूनच क्रांतिकारक संकर झाला हायब्रिड टिजचा.

आणखी वाचा

प्रथम १२, नंतर १३ आणि आता १५, फडणवीसांच्या नागपूर दौऱ्याचा मुहूर्त का लांबला ?

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

निसर्गलिपी : फुलांच्या वार्षिक प्रदर्शनांना जाच!

Nazca Lines AI discovery: अत्याधुनिक AIने उलगडली प्राचीन कातळशिल्पं!

तुळजाभवानी मंदिराला मिळणार पुरातन झळाळी, जीर्णोध्दाराचे काम पुरातत्व खात्याच्या निगराणीखाली वेगात सुरू

भारतातील डायनासोर नामशेष का झाले? समोर आलं महत्त्वाचं संशोधन…

‘मन की बात’नंतर आता ‘मन का गीत’; गीत, संगीत, नृत्य, अभिवाचन आणि दृकश्राव्य माध्यमातून नरेंद्र मोदी यांच्या कवितांचा कार्यक्रम

‘महाराष्ट्राची हास्यजत्रा’मधील कलाकारांचं नवं नाटक लवकरच रंगभूमीवर; नम्रता संभेराव, प्रसाद खांडेकरसह दिसतील ‘हे’ कलाकार

हेही वाचा… ग्राहकराणी: कुरियरने पाठवलेल्या पार्सलमधील वस्तू गायब झाल्या तर….?

रजत गुलाबी गंधित फुलाचा ‘ला फ्रान्स’ याची निर्मिती फ्रेंच गुलाब निर्माता गुलियट याने केली. हे साल होते १८६८. खूप रंगांची, खूप फुलं देणारी पॉलिएंथस जात सुरुवातीला लोकप्रिय होती. परंतु १९३६ नंतर ती मागे पडली आणि हायब्रिड पॉलिएंथस जात फ्लॉरीबंडा नावाने प्रचलित झाली. आज गुलाब विश्वात हायब्रिड टिज आणि फ्लॉरीबंडाचेच वर्चस्व आहे. फ्लॉरीबंडा त्याच्या खूप फुलण्याच्या आणि फुलांच्या आकारामुळे आकर्षक दिसतो. हायब्रिड टिज या जातीवंत गुलाबाचे रंग इंद्रधनुष्याच्या सप्तरंगातले कल्पनेच्या पलिकडचे अगदी काळे, जांभळेसुद्धा आढळतात.

हेही वाचा… परदेशी जाण्याच्या कारणास्तव घटस्फोटित स्त्रीला अपत्याचा ताबा नाकारता येणार नाही

लांब दांडे हे संकरित जातीचे वैशिष्ट्य. दणकट पाने, हळूहळू उमलत जाणारी देखणी कळी, सुरेख पाकळ्या मात्र गंध असेलच असे नाही. पिस, ब्ल्यू मून, आयफेल टॉवर, सुपर स्टार, क्रिमसन ग्लोरी, ख्रिश्चन डायर, हेन्री फोर्ड ही काही वलयांकित नावं. चायना रोज जातीतील हिरवा गुलाब हाही वैशिष्ट्यपूर्णच. नाजूक बटण गुलाब, चिनी गुलाब हे कुंडीत लावण्यासाठी योग्य आहेत. कमानी, सज्जा, लाकडी जाळ्यांवर चढविण्यासाठी हायब्रिड टिजच्या वेली गुलाबांची निवड योग्य ठरते. यातही अनेक रंग, अनेक तऱ्हा म्हणून यांचा तोरा.

फुलांच्या व्यवसायिक क्षेत्रात गुलाबाचा फार मोठा वाटा आहे. बाग छोटी असो, मोठी गच्चीत असो किंवा बंगल्यात गुलाबाच्या रोपाशिवाय त्याला पूर्णत्व नाही. तेव्हा गुलाब कुंडीत लावायचा की वाफ्यात हे ठरवून ठेवा, भरपूर उन्हाची जागा शोधा.