करोनामुळे लसीकरण हा शब्द आणि त्याचे फायदे, महत्त्व घराघरात पोहोचले आहे. शरीरातील प्रतिकारशक्ती वाढविण्यासाठी लसीकरणाचा फायदा होतो. त्यामुळेच बाळ जन्माला आले की काही लशी आवर्जून दिल्या जातात. जन्मानंतरच्या काही वर्षांमध्ये आजार होऊ नयेत यासाठी या लशी असतात. बाळांना दिल्या जाणाऱ्या या लशींसदर्भात एक महत्त्वाची माहिती आता समोर आली आहे. नैसर्गिक प्रसूती म्हणजेच नॉर्मल डिलिव्हरीने जन्म झालेल्या बाळांना लस दिल्यानंतर सिझरीयनने जन्म झालेल्या बाळांपेक्षा त्यांच्यातील अँटीबॉडीजची (Antibodies) संख्या अधिक असल्याचं संशोधनातून समोर आलं आहे. दोन प्रकारच्या आजारांवरील अँटीबॉडीजवर याचा परिणाम जाणवला आहे. फुफ्फुसांचा संसर्ग (Lungs Infection) आणि मेंदूज्वर (meningitis). दोन्ही विकारांना कारणीभूत ठरणाऱ्या सूक्ष्मजंतूंशी लढणाऱ्या अँटिबॉडीज नैसर्गिक प्रसूती झालेल्या बाळांमध्ये मोठ्या प्रमाणावर निर्माण होतात, असे संशोधनादरम्यान लक्षात आले.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
