३ वेळा अपयश! घर, नोकरी सांभाळून अभ्यास; ४२ व्या वर्षी मुलाबरोबर आईसुद्धा पास झाली स्पर्धा परीक्षा

मुलाला प्रोत्साहन देण्यासाठी सुरुवात केली अन्…

आणखी वाचा

शैक्षणिक सहलींसाठी शिक्षणाधिकाऱ्यांकडून दक्षतेची सूचना

कल्याण मारहाण प्रकरण: “तो म्हणाला मुख्यमंत्री कार्यालयातून एक…

परीक्षा अर्ज भरताना अडवणूक केल्यास शाळांवर कारवाई;  शिक्षण मंडळाचा इशारा

हर्नियासह सहव्याधींनी ग्रस्त ज्येष्ठ महिलेवरील उपचारांचे आव्हान, दोन महिन्यांच्या प्रयत्नांनंतर यशस्वी

Pune Cyber Crime: पुनर्विवाहासाठी जाहिरात देणाऱ्या ज्येष्ठाला सायबर चोरट्यांचा गंडा

शौचालय साफ करून पूर्ण केलं शिक्षण, २० व्या वयातच सुटली नवऱ्याची साथ; वाचा SBI अधिकारी प्रतीक्षा तोंडवळकर यांचा संघर्षमय प्रवास

VIDEO : ‘तिने’ सहावेळा मातृत्त्वाचा अनुभव घेतला, पण आता…

Success Story: शिपायाची नोकरी ते अधिकारी, इंजिनिअरिंगचे शिक्षण घेतलेल्या विद्यार्थ्याचा प्रेरणादायी प्रवास

केरळमध्ये राहणार्‍या बिंदू यांनी आपल्या मुलाला दहावीत असताना अभ्यास करण्यास प्रोत्साहन देण्यासाठी स्वत: पुस्तके वाचण्यास सुरुवात केली. परंतु, यामुळे त्यांच्यातील वाचनाची आवड वाढत गेली आणि त्या केरळ लोकसेवा आयोग (पीएससी) परीक्षेची तयारी करण्यास प्रेरित झाल्या.

स्पर्धा परीक्षेत तीन वेळा अपयश…

बिंदू सांगतात, ‘पीएससी उमेदवारासाठी तुमच्याकडे काय असावे आणि काय नसावे याचे मी उत्तम उदाहरण आहे. मी परीक्षेत पास झाले, याचा अर्थ मी सतत अभ्यास केला असे नाही. परीक्षेच्या सहा महिने आधीच मी अभ्यासाची तयारी सुरू केली. मग पुढच्या परीक्षेपर्यंत ब्रेक घेतला. या स्पर्धा परीक्षा असल्यामुळे प्रत्येक पुढच्या परीक्षांमध्ये मोठं अंतर असतं, त्या सांगतात, पहिल्या परीक्षेनंतर दुसऱ्या परीक्षेची पुढील फेरी तीन वर्षांनी जाहीर केली जाते. त्यामुळे या परीक्षेतील अंतरामुळे किंवा फोकस ठेवून अभ्यास न केल्यामुळे त्या या पीएससी परीक्षेत तीन वेळा उत्तीर्ण होऊ शकल्या नाही. यानंतर मात्र त्यांनी पूर्ण वेळ अभ्यासासाठी द्यायचं असं ठरवलं. अडथळ्यांना न जुमानता ध्येय कायम ठेवले आणि चौथ्या प्रयत्नात त्यांनी पोस्ट काढली. संबंधित वृत्त zeenews संकेतस्थळाने दिले आहे.

घर, नोकरी सांभाळून केला अभ्यास

ही परीक्षा देण्याआधी १० वर्ष बिंदू यांनी अंगणवाडी शिक्षिका म्हणून काम केलं. यावेळी बिंदू सांगतात, माझ्या या परीक्षेच्या अभ्यासामध्ये शिक्षकांनी, मित्रांनी आणि मुलाने खूप मदत, मार्गदर्शन केले. दुसरीकडे बिंदू यांचा मुलगा विवेक सांगतो, आई आणि मी परीक्षा एकत्र दिली. मात्र, आम्ही एकत्र पास होऊ असं आम्हाला कधीच वाटलं नव्हतं. तसेच या परीक्षेदरम्यान आम्ही कधीच एकत्र अभ्यास केला नाही असंही तो सांगतो. कारण मला एकट्याला अभ्यास करायला आवडायचं, तर आईला घरातली कामं, अंगणवाडीच्या कामातून वेळ मिळेल तसा ती अभ्यास करायची. आम्ही काहीवेळा फक्त एकत्र काही विषयांवर चर्चा करायचो, असं विवेक सांगतो.

मायलेकाच्या या यशाची चर्चा सोशल मीडियावरही मोठ्या प्रमाणात झाली. लोकांनी बिंदू यांच्या मेहनत आणि यशाचे भरभरून कौतुक केले. इच्छाशक्ती आणि निश्चय असेल तर कोणतीच अडचण तुम्हाला रोखू शकत नाही. चिकाटी ही खरोखरच यशाची गुरुकिल्ली आहे हे बिंदू यांनी सिद्ध केलं. एकीकडे घरच्या जबाबदाऱ्यांचं कारण सांगून अनेक महिला त्यांच्या करिअरमध्ये ब्रेक घेताना दिसतात, तेच दुसरीकडे बिंदू यांनी घर, नोकरी सांभाळून यश खेचून आणलं.

हेही वाचा >> शाब्बास पोरी! मातृभाषेत शिक्षण, मायक्रोसॉफ्टमध्ये इंटर्नशीप अन् आता ५० लाखांचं पॅकेज

यशाला वय माहीत नसते आणि दृढनिश्चयाला सीमा नसते…

कौटुंबिक परिस्थिती आणि लग्नामुळे शिक्षण सोडणाऱ्या मुलींची संख्या कमी नाही. संसाराचा आनंद लुटत आणि मुलांच्या शिक्षणासाठी धडपडत दिवस निघून जातात. मात्र, जिद्दीने अपूर्ण शिक्षण पूर्ण करणाऱ्या महिलांची संख्याही कमी नाही. बिंदू या त्यापैकीच एक. बिंदू यांचा प्रवास असंख्य महिलांना त्यांची अर्धवट राहिलेली स्वप्नं पूर्ण करण्यासाठी प्रेरणा देईल.