रोहित शर्माची पत्नी म्हणून नव्हे तर रितिका सजदेहची ‘ही’ ओळख दाखवते तिची शक्ती; काम ते नातं, कसं आहे आयुष्य?

रितिका सजदेहच्या कामाचा आढावा

मूळची मुंबईकर असणारी रितिकाची ओळख ही केवळ क्रिकेटपटू रोहित शर्माची पत्नी इतकीच नसून ती स्वतःच एक पॉवरहाऊस आहे. तिच्या सोशल मीडिया पोस्ट्सद्वारे, ती तिची मतं ठाम मांडताना अनेकदा दिसते. तर स्पष्टपणे बोलणारी रितिका ही तितकीच हसरी- खेळती असल्याचं सुद्धा तिच्या सोशल मीडिया हॅण्डलवरून लक्षात येतं. रितिकाचे इन्स्टाग्रामवर २४ लाख फॉलोवर्स आहेत.

स्पोर्ट्स मॅनेजमेंटच्या क्षेत्रात रितिकाचा प्रवास कॉर्नरस्टोन स्पोर्ट अँड एंटरटेनमेंटच्या निर्मितीने सुरू झाला होता. तिचा चुलत भाऊ बंटी सचदेवा याने स्थापन केलेल्या या कंपनीतुन तिने कामाची सुरुवात केली होती. या कंपनीच्या प्रगतीमध्ये सुद्धा रितिकाचे मोठे योगदान आहे. तिने अनेक खेळाडूंना या कंपनीचा भाग बनवून या लहानश्या सुरुवातीला मोठ्या व्यायसायाचे रूप दिले होते. रोहितच्या आधी रितिकाने विराट कोहलीची मॅनेजर म्हणून सुद्धा काम केले होते. सध्या रोहित शर्माच्या मैदानाबाहेरील कामाचं नियोजन करणारी रितिका ही मैदानात रोहित खेळत असताना मात्र एका पत्नीच्या, चाहतीच्या नात्याने नवऱ्याला खंबीरपणे साथ देत असते.

रितिका व रोहित शर्माची भेट कशी झाली?

रितिका सजदेह आणि रोहित शर्मा यांची पहिल्यांदा २००८ मध्ये रिबॉक स्पोर्टिंग इव्हेंटमध्ये भेट झाली होती. युवराज सिंगने त्यांची ओळख करून दिली होती. मैत्रीच्या रूपात सुरू झालेल्या या नात्याचे लवकरच प्रेमात रूपांतर झाले आणि मग रितिका रोहितची मॅनेजर झाली. २०१५ मध्ये रोहित रितिकाचे लग्न झाले.

हे ही वाचा<< “बंगल्यासमोर बिल्डिंग बांधली, समुद्र कसा बघू?”, म्हणत दक्षिण मुंबईत १९ फ्लॅट्स विकत घेणारी ‘ती’ आहे तरी कोण?

क्रिकेटच्या पलीकडे, रितिका पीपल फॉर द एथिकल ट्रीटमेंट ऑफ ॲनिमल्स (PETA) च्या अनेक उपक्रमांमध्ये सुद्धा सहभाग घेत असते. ३० डिसेंबर २०१८ ला रितिका व रोहितने समायरा या गोड मुलीला जन्म दिला होता. रितिका व समायारा रोहितला पाठिंबा देण्यासाठी अगदी बहुसंख्य सामन्यांसाठी उपस्थित असतात.