Mahila Dahihandi Pathak spread awareness about Women’s Safety: पुरोगामी म्हणून ओळखल्या जाणाऱ्या महाराष्ट्रात काही वर्षांपासून महिला अत्याचाराच्या घटना वाढतच आहे. धक्कादायक म्हणजे नराधमांनी कोवळ्या, अजाण जीवांनाही सोडले नाही. शाळेत त्या चिमुकल्या ज्याला दादा, दादा म्हणत होत्या, त्याच नराधमाने त्यांना ओरबाडले. बदलापूर घटनेमुळे राज्य हादरले. आंदोलने झाली, सरकारकडून कारवाईचे आश्वासन देण्यात आले. पण राज्यात महिला आणि चिमुकल्यांच्या शरीरांशी कुस्करण्याचा खेळ करण्याची ही पहिलीच गोष्ट नाही. याआधीही अशा प्रकारची हीन कृत्ये घडली आहेत. मग यामध्ये नुकतेच घडलेले बदलापूरमधले प्रकरण असेल किंवा कोलकातामधील; एकंदरीत महिला कुठेच सुरक्षित नाही. रोज नवनवीन अत्याचाराच्या घटना घडत आहेत. गोरेगावमधील स्वस्तिक महिला दहीहंडी पथक यंदा अशाच घटनांचा निषेध करीत महिला अत्याचारांच्या निषेधाची हंडी फोडणार आहे. दहीहंडी उत्सव अवघ्या दोनच दिवसांवर आलेला असताना या स्वस्तिक महिला दहिहंडी पथकाने सर्वांचे लक्ष वेधून घेतले आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
