Top 10 self-made women billionaires in India 2024 : भारताने या वर्षी २०२४ मध्ये संपत्ती निर्मितीमध्ये एक विलक्षण वाढ पाहिली आहे. जागतिक संपत्ती निर्मितीच्या प्रक्रियेत भारताने चांगली कामगिरी केली आहे. हुरुन इंडिया रिच यादीत अति श्रीमंतांच्या श्रेणीत २२० व्यक्तींचा समावेश झाला आहे. त्यामुळे भारताच्या एकूण संपत्तीत हजार कोटींहून अधिक वाढ झाली आहे. याच यादीत अनेक महिला उद्योगपतींचाही समावेश झाला आहे.

झोहो कॉर्पच्या सह-संस्थापक राधा वेंबू या यादीत आघाडीवर आहेत. त्यांची एक जागतिक तंत्रज्ञान कंपनी असून या कंपनीमार्फत व्यवसायांसाठी सॉफ्टवेअर सोल्यूशन्स दिले जातात. ४७ हजार ५०० कोटींची निव्वळ संपत्ती असलेली, वेम्बू ही भारतातील सर्वात श्रीमंत महिला बनली आहे. त्यानंतर Nykaa च्या संस्थापक फाल्गुनी नायर यांचा क्रमांक लागत. २०२ रोजी लॉन्च केलेल्या नायका संकेतस्थळाच्या माध्यमातून त्यांची आर्थिक उन्नती झाली. तिसऱ्या क्रमांकावर लेन्सकार्टच्या नेहा बन्सल यांचा समावेश आहे. या सर्वांत तरुण महिला उद्योजिका आहेत. बॉलीवूड अभिनेत्री जुही चावलाचाही या यादीत आहे. कोलकाता नाईट रायडर्स क्रिकेट संघाचे सहसंस्थापक असलेली जुही चावलाने उद्योग क्षेत्रात पाऊल ठेवले आहे.

आणखी वाचा

हेही वाचा >> India’s Top 10 Billionaire : अंबानींपेक्षा अदाणी श्रीमंत, भारतातील अब्जाधिशांची यादी जाहीर; कोण कितव्या स्थानावर?

झोहोच्या राधा वेंबू या ४७ हजार ५०० कोटींसह आघाडीवर आहेत, त्यानंतर Nykaa च्या फाल्गुनी नायर आणि Arista Networks च्या जयश्री उल्लाल या दोघी ३२ हजार कोटींसह अनुक्रमे दुसऱ्या क्रमांकावर आहेत. यासह देशभरातील इतर महिला उद्योगपतींची नावे पाहुयात.

क्रमांकनावकंपनीनेट वर्थ (कोटींमध्ये)
१राधा वेंबूZoho४७,५००
२फाल्गुनी नायर आणि कुटुंबNykaa३२, २००
३जयश्री उल्लालArista Networks३२, १००
४किरण माझुमदार शॉBiocon२९,०००
५नेहा नारखेडे आणि कुटुंबConfluent४,९००
६जुही चावला आणि कुटुंबKnight Riders Sports४, ६००
७इंद्रा के नुयीPepsico३,९००
८नेहा बंन्सालLenskart३,१००
९देविता राजकुमार सराफVU Technologies३,०००
१०कविता सुब्रमण्यमUpstox२,७००

अदाणी ठरले सर्वांत श्रीमंत व्यक्ती

सुमारे ११.६ लाख कोटी रुपयांच्या मालमत्तेसह अदानी समूहाचे सर्वेसर्वा गौतम अदानी यांनी देशातील सर्वात श्रीमंत व्यक्ती म्हणून, रिलायन्स इंडस्ट्रीजचे अध्यक्ष आणि व्यवस्थापकीय संचालक मुकेश अंबानी यांना मागे टाकत पुन्हा अव्वल स्थान पटकावले आहे. हिंडेनबर्ग रिसर्चच्या अहवालातील आरोपांमुळे अदानी समूहाच्या समभागांमध्ये मोठ्या प्रमाणावर पडझड झाली होती. मात्र गेल्यावर्षी त्यांची मालमत्ता ९५ टक्क्यांनी वधारून ११.६ लाख कोटी रुपयांवर पोहोचली. ज्यामुळे त्यांनी पुन्हा एकदा अंबानींना मागे सारत देशातील सर्वात श्रीमंत व्यक्तीचा किताब पटकावला आहे