रस्त्यावरून चालताना गर्द केशरी फुलांनी डवरलेली बंगल्याच्या प्रवेशद्वाराची कमान अथवा कुंपणाच्या जाळीवरून झेपावणाऱ्या फुलांचे जांभळे घोस लक्ष वेधून घेतात. या फुलवेलींना बागेत मानाचे स्थान आहे. वेलींचे खोड सुरुवातीला नाजूक असते, पण तिची वाढण्याची ऊर्जा अफाट. जास्तीतजास्त सूर्यप्रकाश शोषण्याची, उंच वाढण्याची विजिगीषूवृत्ती असते. पण त्यासाठी असते आधाराची गरज! कमानीवरती, जुन्या झाडावर, कुंपणावर, जाळ्यांवर, भिंतीच्या आधारे अथवा कलात्मक स्टँडवर वेली वाढतात अन् ऋतूप्रमाणे भरभरून फुलतात. फुलवेलींचे खूप पर्याय आपल्याकडे आहेत. मोठ्या कमानी झाकण्यासाठी शक्यतो वेली जमिनीत लावाव्यात, नाहीतर मोठ्या कुंडीत सेंद्रिय माती, कोकोपीथ, पालापाचोळा, नीमपेंड एकत्र करून त्यात वेल लावावी. बहुतेक वेलींची रोपं रोपवाटिकेत मिळतात. कटींग वा कडे करून लावल्यास त्या सहज येतात.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
