गृहिणींसाठी टिप्स, स्वतःसह कुटुंबालाही ठेवा निरोगी; थंडीमध्ये प्या, हेल्दी ड्रिंक्स!

मसाला चहा
थंडी म्हणजे गरमागरम चहा हवाच. चहाप्रेमींसाठी तर थंडी अगदी पर्वणीच असते. थंडीच्या सीझनमध्ये कितीही वेळा चहा प्यायला तरी मन भरत नाही. थंडीत तुम्ही तुमच्या नेहमीच्या चहाबरोबरच मसाला चहाही ट्राय करु शकता. लवंग, दालचिनी, आलं, जायफळ, तुळशीची पानं असे सगळे औषधी घटक एकत्र करून त्या मसाल्यापासून तयार केलेला हा अस्सल देशी चहा या थंडीत पिऊन पाहाच. या मसाल्यामुळे शरीर आतून गरम राहतं आणि थंडी बाधत नाही.

आणखी वाचा

विवाहाच्या वचनाने केलेला प्रत्येक शरीरसंबंध बलात्कार कसा?

निसर्गलिपी : सामुदायिक शेतीचा आनंद

तिसर्‍या बाळंतपणाला मातृत्व रजा मिळेल का?

डोनाल्ड ट्रम्प यांना सुनावणारी ती… भारतात असं काही शक्य आहे?

निसर्गलिपी: ऋतू बदल आणि बागेतील आनंदाचे क्षण

मुलीच्या नावानं झाड लावणारं गाव…

निसर्गलिपी : बहराचा उत्सव

आईने अपत्याचा ताबा घेणे अपहरण नव्हे

पत्नी पतिविरोधात विनयभंगाचा गुन्हा दाखल करू शकते

आणखी वाचा : लैंगिक समस्या प्रश्नोत्तरे : शीघ्रपतन कसं टाळाल?

आल्याचा काढा
थंडीमध्ये आलं खाणं अतिशय चांगलं. आपल्यापैकी अनेकांच्या घरात आजी किंवा आई आलेपाक, आल्याच्या वड्या करत असतीलच. पण आल्याचा काढाही थंडीमध्ये अगदी उत्तम आहे. एका पातेल्यात पाणी घाला, त्यात आल्याचा एक तुकडा घालून भरपूर उकळा. पाणी उकळून निम्मं झालं की ते ग्लासमध्ये गाळून घ्या आणि त्यात मध घालून प्या. या काढ्याने शरीर आतून उष्ण राहतं.

आयुर्वेदिक काढा
आपल्या आजीच्या बटव्यातला हा काढा म्हणजे थंडीमधल्या सर्दीवरचा अगदी रामबाण उपाय. वेलदोडा, दालचिनी, आलं, काळे मिरे, गवती चहा, आणि तुळशीची पाने भरपूर पाण्यात उकळा. त्यानंतर चहासारखंच गाळून गरमागरम प्या. थंडीत हा काढा नियमित घेतल्यास प्रतिकारशक्ती वाढते.

ग्रीन टी
डाएट करणाऱ्यांना, वजन कमी करणाऱ्यांना ग्रीन टीबद्दल वेगळं सांगायला नको. पण थंडीमध्ये घशाला ऊब देण्यासाठी गरमागरम ग्रीन टी चा एक कप अगदी आवश्यकच आहे. घसा खवखवत असेल तर मग ग्रीन टी प्यायलाच हवा. थंडीमध्ये चहाचं प्रमाण साहजिकच वाढतं. पण ग्रीन टीमुळे ते आटोक्यात राहतं.

आणखी वाचा : वेश्याव्यवसायात ढकललं… समाजानं झिडकारलं… पण आज कर्तृत्व पाहून सन्मानित केलं!

गरम लिंबू पाणी
उन्हाळ्यात लिंबू पाण्यानं थंडावा मिळतो. तर थंडीमध्ये गरम पाण्यात लिंबू सरबत घेतलंत तर सी व्हिटॅमिन भरपूर मिळतं. त्यामध्ये तुम्ही थोडंसं मध घालून घेतलंत तर आणखीनच फायदा होतो.

हळदीचे दूध
हळद ही रोगप्रतिकारक आहे आणि हळदीचे दूध तर आपल्याकडे अनेक आजारांवरचा रामबाण उपाय मानला जातो. घसा खवखवणे, सर्दी, थकवा यावर हळदीचे दूध अत्यंत गुणकारी आहे. हळदीच्या दुधात अँटीऑक्सिडंट्स आणि अँटीव्हायरल गुण असतात. त्यामुळे शरीर निरोगी राहतं. थंडीमध्ये रोज रात्री झोपायच्या आधी तुम्ही हळदीचं दूध पिऊ शकता.

बदामाचे दूध
बदाम शरीरासाठी उत्तम आहेत. ते रोगप्रतिकारक आणि स्टॅमिनासाठी चांगले मानले जातात. बदामाच्या दुधामध्ये व्हिटॅमिन्स आणि अँटीऑक्सिडंट्स भरपूर असतात. त्यामुळे तुम्हाला ताकद आणि एनर्जी मिळते. बदामाच्या दुधामुळे प्रतिकार शक्तीही वाढते.

आणखी वाचा : महिलांसाठीची सुपरफूडस्

दालचिनीचा काढा
दालचिनी रोगप्रतिकारक आहे. डाएटमध्येही दालचिनीचं महत्त्व आहे. दालचिनी अत्यंत औषधी आहे. थंडीच्या दिवसांत दालचिनी पावडर गरम पाण्यात घालून तो काढा घेतल्यास सर्दी, खोकला, अंगदुखी दूर होते.

टोमॅटो सूप
थंडीच्या दिवसांत गरमागरम सूप पिण्याची मजा काही औरच ! थंडीत टोमॅटो सूप पिणं अत्यंत गुणकारी आहे. टोमॅटोमध्ये व्हिटॅमिन सी असतं. त्यामुळे थंडीत तुम्ही जर रोज टोमॅटो सूप प्यायलात तर प्रतिकारशक्ती वाढते. आता वाढत्या थंडीत तुमच्या जेवणामध्ये गरमागरम टोमॅटो सूपचा समावेश नक्की करा.

भाज्यांचे सूप
हिवाळ्यात भाज्या भरपूर आणि छान मिळतात. मटार, गाजर, पालक अशा वेगवेगळ्या भाज्या वापरून किंवा त्यांची कॉम्बिनेशन्स करून तुम्ही हेल्दी सूप्स करू शकता. या हेल्दी सूप्समुळे तुमच्या जेवणाची लज्जत आणखीनच वाढेल यात शंका नाही.

आणखी वाचा : पोटच्या मुलीची हत्या करताना, तिने काय केला असेल विचार?

रस्सम
रस्सम पारंपरिक दक्षिण भारतीय पदार्थ आहे. गरमागरम रस्सममुळे तुमची थंडी पटकन पळून जाते. काळे मिऱ्यांसह पारंपरिक मसाले घालून रस्सम मसाला तयार केला जातो. रस्समचे बरेच प्रकार आहेत. पण चिंच, कडीपत्ता, आलं, मोहरी, हिंग घालून भाज्यांसह बनवलेलं रस्सम एक पूर्णान्न तर आहेच पण औषधीही आहे. रस्सममध्ये असलेल्या मसाल्यामुळे शरीर आतून गरम आणि हायड्रेटेड राहण्यास मदत होते. घसा खवखवणे, फ्लू, सर्दी आणि खोकल्यावरही रस्सम अत्यंत गुणकारी आहे. या थंडीत एखाद्या रात्रीच्या जेवणाचा बेत गरमागरम भात आणि रस्सम असा नक्की करून बघा.

काश्मिरी कहावा
ग्रीन टी, दालचिनी,वेलदोडे आणि केशर घातलेल्या काश्मिरी कहावा फक्त काश्मीरच्याच नाही तर आपल्याकडच्या थंडीतही गुणकारी आहे. खूप जास्त थंडी पडत असेल तर सकाळी सकाळी हा कहावा नक्की पिऊन बघा.

(शब्दांकन : केतकी जोशी)