सरोगसीद्वारे आई झालेल्या महिलांना प्रसूती रजेचा अधिकार आहे का? न्यायालयाचा नेमका निर्णय काय?

सरोगसीद्वारे मूल झालेल्या महिला कर्मचाऱ्यांना इतर महिलांप्रमाणे प्रसूती रजा आणि इतर लाभ मिळण्याचा अधिकार आहे, असा निर्णय ओडिशा उच्च न्यायालयाने दिला आहे. ओडिशा वित्त सेवेच्या महिला अधिकारी सुप्रिया जेना यांनी २०२० मध्ये दाखल केलेल्या याचिकेवर सुनावणी करताना २५ जून रोजी एस. के. पाणिग्रही यांच्या एकल खंडपीठाने मोठा निर्णय दिला आहे. सरोगसीद्वारे माता बनणाऱ्या महिला कर्मचाऱ्यांना इतर महिलांप्रमाणेच प्रसूती रजा आणि इतर लाभ मिळण्याचा अधिकार असल्याचे ओडिशा उच्च न्यायालयाने आपल्या निर्णयात म्हटले आहे.