अवघ्या ३२ वर्षांची प्रसिद्ध गायिका ठरली १० हजार कोटींच्या संपत्तीची मालकीण, कशी करते कमाई? जाणून घ्या

सेलेना गोमेज ( Selena Gomez ) फक्त गायिक नसून ती उत्कृष्ट अभिनेत्री, निर्माती आणि व्यावसायिका देखील आहे. या चारही क्षेत्रात सेलेनाने स्वःबळावर वेगळं स्थान निर्माण केलं आहे. सेलेनाचं प्रत्येक गाणं सुपरहिट ठरतं आहे. ब्लूमबर्ग बिलिनेअर इंडेक्सने दिलेल्या माहितानुसार, सेलेनाकडे एकूण १.३ बिलियन डॉलरची म्हणजे १० हजार कोटींची संपत्ती आहे. सेलेना ही संगीत, अभिनय आणि व्यवसाय या तिन्ही क्षेत्रातून बक्कळ पैसा कमवते. पण त्यात सर्वात मोठा हिस्सा ५ वर्षांपासून म्हणजेच २०१९ला सुरू केलेली मेकअप कंपनी ‘रेअर ब्यूटी’ ब्रँडचा आहे. याच ब्रँडला मिळालेल्या यशामुळे ब्लूमबर्ग बिलियनेयर इंडेक्सवर टेलर स्विफ्ट आणि रिहानासारख्या कमी वयाच्या प्रसिद्ध श्रीमंत लोकांपैकी सेलेना एक ठरली आहे.