“आता मला लाज वाटत नाही”, अभिनव शुक्लाने आपल्या ‘या’ आजाराचा केला खुलासा

या एपिसोडमध्ये अभिनव शुक्लाने त्याच्या एका आजाराबद्दल सांगितलं आहे. या आजारामुळे आपल्याला अंक आणि अक्षर समजणं कठीण जातं असल्याचं तो म्हणाला. या एपिसोडनंतर अभिनव शुक्लाने सोशल मीडियावर एक पोस्ट शेअर करत त्याच्या या आजाराबद्दल सांगितलं आहे. अभिनवने शेअर केलेल्या ट्वीटमध्ये तो म्हणाला, “मी बॉर्डरलाइन डिस्लेक्सिक आहे आणि आता हे सगळ्यांना कळालंचं आहे तर मी याबद्दल मोकळेपणाने बोलणार आहे. यात माझी किंवा कुणाची चूक नाही. मला हे स्विकारण्यास दोन दशकं गेली. आता मला संख्या आणि आकड्यांमुळे लाजणं गरजेचं नाही.” असं तो म्हणालाय.

हे देखील वाचा: राज कुंद्राच्या अटकेनंतरही शिल्पाची बहीण शमिता शेट्टीची ‘बिग बॉस ओटीटी’मध्ये एण्ट्री; म्हणाली…

तर अभिनवने त्याच्या इन्स्टाग्राम अकाऊंटवरही या ट्वीटचा स्क्रीनशॉट शेअर करत एक पोस्ट लिहिली आहे. यात तो म्हणाला, “होय आकडे, अक्षरं आणि शब्दांमध्ये माझा गोंधळ होतो. मला तारीख, नाव तसचं एखद्या तारखेशी संबंधित गोष्टी लक्षात ठेवण्यास कठीण जातं. मात्र काही गोष्टींमध्ये मी परफेक्ट आहे. मला अनेक गोष्टी माझ्या गाडीच्या डिक्कीत ठेवायला सांगा. मी ते सर्व योग्यरित्या करू शकतो. मी काही गोष्टींमध्ये उत्तम आहे तर काहींमध्ये वाईट. या गोष्टी सुधारण्याचा मी सतत प्रयत्न करतोय.” असं अनिभन पोस्टमध्ये म्हणालाय.

याच आजारावर बॉलिवूडमध्ये ‘तारे जमीन पर’ हा सिनेमा आला होता.या सिनेमात अभिनेता दर्शिल सफारीला हाच आजार असल्याचं दाखवण्यात आलंय. ज्यामुळे त्याला अंक आणि अक्षरं लक्षात ठेवणं कठीणं जातं असतं. खास करून अगदी कमी वयातच या आजाराची लक्षणं दिसू लागतात.