अभिनयाव्यतिरिक्त बॉलिवूडकरांचे ‘हे’ आहेत ‘इन्कम सोर्स’

माधुरी दीक्षित-
आपल्या अभिनयाच्या बळावर प्रेक्षकांच्या मनावर राज्य करणारी माधुरी दीक्षित एक चांगली नृत्यांगनाही आहे. नृत्याची हीच आवड तिने व्यवसायातही रुपांतरित केली. ‘धकधक गर्ल’ माधुरी एक ऑनलाइन डान्स अकॅडमी चालवते. या माध्यमातून नृत्याची आवड असणाऱ्यांसाठी ती नृत्य शिकवते.

आणखी वाचा

विद्या बालनने ‘भूल भुलैय्या २’ चित्रपटाला ‘या’ कारणामुळे दिलेला नकार, निर्मात्यांनी केला खुलासा

IND vs NZ : ऋषभ पंतच्या वादग्रस्त विकेटवर…

सलमान खान करणार होता ‘गजनी’त मुख्य भूमिका, पण ‘या’ कारणाने आमिरची लागली वर्णी, खलनायकाने केला मोठा खुलासा

एकामागोमाग एक १० सिनेमे झाले फ्लॉप, नैराश्यात गेली अभिनेत्री; एक्स बॉयफ्रेंडने वाचवलं करिअर

स्वभाव, विभाव : खुदी से इश्क किया रे…

कपूर कुटुंबातील पहिला पण विस्मृतीत गेलेला स्टार, दिले होते अनेक हिट सिनेमे

Video : मनीष मल्होत्राच्या दिवाळी पार्टीत सलमानची अनुपस्थिती, रेखा यांनी केली अर्पिताची विचारपूस; व्हिडीओ झाला व्हायरल

रुपाली भोसले आणि कुशल बद्रिकेची अचानक झाली भेट, अभिनेत्री फोटो शेअर करत म्हणाली, “या मुलात जरा सुद्धा…”

सुनील शेट्टी-
सुनील शेट्टी हॉटेल व्यवसायात उतरला आहे. त्याशिवाय त्याची स्वत:ची निर्मितीसंस्था सुद्धा आहे. ‘पॉपकॉर्न एण्टरटेन्मेंट’ नावाच्या या निर्मिती संस्थेअंतर्गत ‘खेल’, ‘रक्त’, ‘भागम भाग’ आणि ‘मिशन इस्तानबुल’ या चित्रपटांची निर्मिती करण्यात आली होती.

लारा दत्ता-
अभिनय क्षेत्रात सध्या लारा दत्ता सक्रिय नसली तरीही ती दुसऱ्याच एका कलात्मक क्षेत्रात सक्रिय आहे. ‘छाबरा ५५५’ या क्लोथिंग ब्रॅण्डच्या साथीने लाराने तिचं साड्यांचं कलेक्शन लाँच केलं आहे. त्याशिवाय तिची स्वत:ची निर्मितीसंस्थाही आहे.

अर्जुन रामपाल-
अर्जुन रामपाल जितका चांगला अभिनेता आहे तितकाच चांगला व्यवसायिकही आहे. अर्जुनची ‘चेसिंग गणेशा’ नावाची इव्हेंट मॅनेजमेंट कंपनी आहे. त्याशिवाय दिल्लीत त्याचा ‘लॅप- लाऊंज बार अॅण्ड रेस्तरॉ’सुद्धा आहे.

मलायका अरोरा-
‘फिटनेस फ्रिक’ म्हणून ओळखली जाणारी अभिनेत्री मलायका अरोरा फॅशन वेबसाइट चालवते. सुझान खान, बिपाशा बासू यांच्या साथीने मलायका ‘द लेबल लाइफ’ नावाची वेबसाइट चालवते.

अजय देवगण-
चित्रपटातील स्टंटसाठी ओळखला जाणारा अभिनेता अजय देवगण, गुजरातमधील चारंका सौरउर्जा प्रकल्पातही भागधारक आहे. या प्रकल्पात त्याने बरीच गुंतवणूक केल्याचंही सांगितले जाते. याशिवाय त्याची ‘देवगण एण्टरटेन्मेंट सॉफ्टवेअर लिमिटेड’ नावाची निर्मितीसंस्थाही आहे. या निर्मितीसंस्थेअंतर्गत ‘राजू चाचा’, ‘यू, मी और हम’ आणि ‘ऑल द बेस्ट’ या चित्रपटांची निर्मिती केली आहे.

ट्विंकल खन्ना-
बऱ्याच वर्षांपूर्वी चित्रपटसृष्टीला रामराम ठोकल्यानंतर अभिनेत्री ट्विंकल खन्नाने लेखन क्षेत्राकडे मोर्चा वळवला. सध्या ती एका प्रसिद्ध वृत्तपत्रामध्ये स्तंभलेखनही करते. याशिवाय ती निर्मिती क्षेत्रातही सक्रिय झाली असून, इंटेरियर डिझायनिंगमध्येही तिने स्वत:चा ठसा उमटवला आहे.

अक्षय कुमार-
बॉलिवूड अभिनेता अक्षय कुमार येत्या काही वर्षांमध्येही सुपरहिट ठरणार यात शंका नाही. पण, तरीही खिलाडी कुमारने त्याचा ‘प्लॅन बी’ तयार ठेवला आहे. ऑनलाइन शॉपिंग चॅनलमध्ये खिलाडी कुमारने गुंतवणूक केली आहे. त्याशिवाय ‘हरी ओम एण्टरटेन्मेंट’ हा त्याची निर्मिती संस्थासुद्धा आहे.

मिथून चक्रवर्ती-
अभिनय क्षेत्रातील इनिंग झाल्यानंतर अभिनेता मिथून चक्रवर्ती रिअल इस्टेट क्षेत्रात सक्रिय झाले आहेत. याशिवाय ‘पापराझी प्रॉडक्शन’ नावाची त्यांची निर्मितीसंस्थासुद्धा आहे.

वाचा : जाणून घ्या, चित्रपटातील डिझायनर कपड्यांचं पुढे करतात तरी काय?

(वरील माहिती काही वेबसाइट्सवरील उपलब्ध वृत्तातून घेण्यात आली असून, लोकसत्ता ऑनलाइनने याबाबतची खातरजमा केलेली नाही.)