PHOTO : आर माधवनचा हॉट सेल्फी पाहिलात का?

आर. माधवनने बॉलिवूडच्या अनेक यशस्वी चित्रपटांमध्ये महत्त्वाची भूमिका साकारली आहे. लवकरच तो एका तमिळ चित्रपटातसुद्धा झळकणार आहे. तमिळ भाषेतील थरारपट ‘विक्रम वेदा’ या चित्रपटात माधवन एका पोलीस अधिकाऱ्याची भूमिका साकारणार आहे. याचे दिग्दर्शक पुष्कर आणि गायत्री यांनी केले असून चित्रपटाचा ट्रेलर आणि गाण्यांना आधीच प्रेक्षकांनी पसंती दर्शवली आहे.

वाचा : सलमानची सुपारी देणारा ‘तो’ पोलिसांच्या ताब्यात

मागील वर्षी प्रदर्शित झालेल्या ‘साला खडूस’ या चित्रपटात माधवनने बॉक्सर प्रशिक्षकाची भूमिका साकारली होती. लवकरच तो बॉलिवूडच्या आणखी एका चित्रपटात भूमिका साकारताना दिसणार आहे. ‘चंदा मामा दूर के’ या चित्रपटात पायलटच्या भूमिकेत तो झळकणार आहे. संजय पूरन सिंग दिग्दर्शित या चित्रपटात सुशांत सिंग राजपूतसुद्धा भूमिका साकारणार आहे. नुकत्याच दिलेल्या एका मुलाखतीत माधवनने म्हटलं की, ‘चॉकलेट बॉयची भूमिका साकारायचं माझं आता वय नाही.’